Казахстаҥҥа художественнай гимнастикаҕа норуоттар икки ардыларынааҕы турнир буолла. Манна икки хамаанда өрөспүүбүлүкэ чиэһин көмүскээтэ. Спортсменкалар ситиһиилээхтик кытыннылар.
Түһүлгэҕэ 700 спортсмен Казахстантан, Азербайджантан, Арассыыйаттан, уопсайа биэс араас дойдуттан түмсүбүттэр. Манна Саха сириттэн Новогорскайга олимпийскай бэлэмнэнии киинигэр уонна Дьокуускайга «Кристалл» кулуупка дьарыктанар хамаандалар кыттыбыттар.
Художественнай гимнастикаҕа тус бырагыраамаҕа дьарыктыыр Саха сирин сүүмэрдэммит хамаандатын тириэньэрэ Виолетта Никифорова иһитиннэрбитинэн, Новогорскайга дьарыктанар, быйыл «Азия оҕолоро» норуоттар икки ардыларынааҕы спортивнай орнньууларга кыттыахтаах Алина Сивцева уонна Валерия Горбушко Астанаҕа 1 миэстэни ылбыттар. Ксения Медведева иккис бириистээх миэстэҕэ тахсыбыт. Наргиза Демидович 1 миэстэни ылбыт уонна баалынан турнир муҥутуур чөмпүйүөнэ буолбут. Маны сэргэ, Алина Сивцева «Мисс вдохновение», Ксения Медведева «Мисс турнира » буолбуттар.
Дьокуускайга «Кристаллга» (тириэньэр Таисия Макарова) уонна ДЮСШ-1 (тириэньэр Виктория Велькер) дьарыктанар оҕолор эмиэ ситиһиилэммиттэр. «Кристалл» кулуупка эрчиллэр, Амма улууһуттан кыттар гимнастка Авелина Макарова бэйэтин саастыылаахтарыгар иккис миэстэни ылбыт. Маны таһынан, 2015-2017 с.т. кырачаан гимнасткалар эмиэ күрэхтэспиттэр.
«Кристалл» спортсменкалара турнирга турунан, дьаныардаахтык бэлэмнэммиттэрин түмүгэр, 1 кыһыл көмүс, 2 үрүҥ уонна 4 боруонса мэтээллэри ылары ситиспиттэр. Итини сэргэ, «Мисс турнира», «Мисс олимпийская надежда тренера» уонна «Мисс улыбка» буолбуттар. «Кындыкаан» дуэты көрөөччүлэр олус сөбүлээбиттэр. «Кристалл» хамаандата турнирга кыттыыны ылалларыгар көмөлөспүт «ТехЭлектроСнаб» ХЭУо махтаммыт. Бу туһунан СӨ художественнай гимнастика федерациятын пресс- сулууспата иһитиннэрэр.
Хаартыска Виолетта Никифорова, Таисия Макарова тиксэриилэрэ.
Чэпчэтиилээх куортам бырагыраамата 2022 сыллаахха Илиҥҥи экэнэмиичэскэй пуорум үлэтин түмүгүнэн, бэрэсидьиэн Владимир Путин көҕүлээһининэн, олоххо…
Тимир көлө көннөрү айанныыр тэрил буолбатах, үлэни-хамнаһы түргэтэтэр, дьону-сэргэни сибээстиир сүрүн тэрил. Сайын, кыһын буоллун,…
Дьокуускай куоракка "Звёзднай" түөлбэҕэ 990 миэстэлээх оскуола тутулла турар. Тутуу үлэтэ былаан быһыытынан ыытыллар. Бүгүн…
Аныгы сайдыылаах үйэҕэ дьахталлар эр дьонтон хаалсыбакка, аар тайҕаларыгар бултуу бараллар, күһүн-саас кустууллар-хаастыыллар. Маннык сэдэх…
Ааспыт сууккаҕа Саха сиригэр сэттэ буруйу оҥоруу тахсыбыт. Манан процессуальнай бэрэбиэркэни ыытыыны уонна холуобунай дьыалалары…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Уйбаан СИЛИГИ «Уйбаачааннар бултуйбуттар!» кэпсээнин…