Хаартыска: СӨ уус-уран гимнастикаҕа федерациятын пресс- сулууспатыттан, Роман Зарышнюк түһэриитэ
Нерюнгри куоракка ыытыллыбыт Арассыыйа үөрэнээччилэрин XII Спартакиадаларын II түһүмэҕэр уус-уран гимнастикаҕа Саха сирин спортсменкалара 3 бочуоттаах миэстэни ыллылар.
Бу олус үчүгэй көрдөрүү. Гимнасткалар, тириэньэрдэр сыралаах үлэлэрин түмүгэ. Очукуону ааҕыыга хамаанда бөлөҕүнэн кыттыыта уонна многоборьеҕа биирдиилээн бастыыр иһин биир гимнастка бастыҥ көрдөрүүтэ киирдилэр.
Саха сирин сүүмэрдэммит хамаандата бөлөҕүнэн толорууга 1 миэстэни ылла. Биирдиилээн бастыыр иһин күрэскэ Алина Сивцева биэс бастыҥ гимнасткаҕа киирдэ уонна бэс ыйыгар Пензаҕа Спартакиада III түһүмэҕэр Уһук Илин ФУо сүүмэрдэммит хамаандатыттан кыттыа.
Үчүгэй түмүк сүүмэрдэммит хамаанда салгыы сайдарыгар, «Азия оҕолоро» норуоттар икки ардыларынааҕы спортивнай оонньууларга бэлэмнэнэригэр кыаҕы биэрэр.
Биһиги сүүмэрдэммит хамаандабыт Новогорскайга дойду сүүмэрдэммит хамаандатын кытары биир көбүөргэ эрчиллэр. Гимнасткалары Анна Куликова уонна Виолетта Иванова-Никифорова эрчийэллэр.
Бөлөҕүнэн кыттар хамаанда былырыын ыам ыйыттан, оттон биирдиилээн кыттааччылар дьарыктаммыттара түөрт ый буолбут. Онон бу ситиһии өссө сыаналанарын туһунан өрөспүүбүлүкэ уус-уран гимнастикаҕа федерациятын бэрэсидьиэнэ Людмила Николаева бэлиэтиир. Кини спортсменкалары уонна тириэньэрдэри күрэхтэһиигэ ситиһиилэринэн эҕэрдэлээтэ уонна ылбыт таһымнарын ыһыктыбакка, салгыы сайдалларыгар баҕарда.
СӨ уус-уран гимнастикаҕа федерациятын пресс- сулууспата
Хаартыскаҕа Роман Зарышнюк түһэриитэ
Уус Алдан улууһун Бээди оскуолатын 2-с кылааһын үөрэнээччитэ Эрхан Захаров улахан киһилии хорсун быһыыны оҥорбут,…
Дойду бэрэсидьиэнэ Владимир Путин көҕүлээһининэн Саха сиригэр култуура сайдар. “Добро.рф ассоциацияҕа” киирэр “Култуура волонтердара” Бүтүн…
Уус Алдан улууһун Бороҕоннооҕу оҕо ускуустубатын оскуолатын материальнай-тиэхиньиичэскэй баазата биллэрдик хаҥаабыт. Дойду бэрэсидьиэнэ Владимир Путин…
Быйыл Арктика улуустарыгар Арктикатааҕы атыы-логистика хампаанньата олохтоох хаһаайыстыбалар үүннэрбит хаппыысталарын, сүбүөкүлэлэрин, моркуоптарын уонна хортуоппуйун киллэрэн…
ИДьМ Дьокуускайдааҕы 4-с нүөмэрдээх полиция салаатын дьуһуурунай чааһыгар, мэдиссиинэ тэрилтэтиттэн, куорат биир кыбартыыратыгар эр киһи…
Киһи кулгааҕа тыаһы, дорҕоону икки кулгааҕынан истэргэ аналлаах. Өскөтүн биир эрэ кулгаахха наушнигы кэтэн иһиттэххэ…