Художественнай гимнастикаҕа Саха сирин хамаандата норуоттар икки ардыларынааҕы Alem Baby Cup диэн Казахстаҥҥа ыытыллыбыт турнирга бөлөҕүнэн кыттан үһүс миэстэ буоллулар.
Бу турнирга Кытай, Кэриэйэ, Иран, Казахстан, Белоруссия, Азербайджан, Кыргызстан, Узбекистан дойдуларыттан кытыннылар.
«Либерти» кулуупка тириэньэр Александра Бронскихха дьарыктанар Саха сирин хамаандата аҕыс хамаандаттан боруонса мэтээли ылары ситистэ. Санатан эттэххэ, туһааннаах хамаанда «Азия оҕолоро» норуоттар икки ардыларынааҕы оонньууларга бэлэмнэнэр.
«Күрэхтэһиилэртэн астынныбыт. Тэрээһин үлэтин таһыма үрдүк. Маннык күрэхтэһиилэргэ киһи өссө да кытта кэлиэх курдук. Бу аҥаардас күрэхтэһии эрэ буолбакка, манна атын дойду дэлэгээссийэлэрин кытта алтыһыы, көрсүһүү, уопут атастаһыы буолар. Утарсааччыларбыт күүстээхтэр этэ. Кыргыттарбыт олус бэркэ кыһанан кииристилэр. Олунньуга күрэхтэһэр бырагыраамабытын көннөрөн, тупсаран биэрбиппит«, — диэн Александра Бронских санаатын үллэһиннэ.
Виолетта Аржакова, күрэхтэһии кыттааччыта:
— Күрэхтэһииттэн олус астынным, таһымын сөхтүм. Олус кыраһыабай саала, араас дойдуттан элбэх оҕолор кэлбиттэр. Биһиги улахан уопут ыллыбыт. Тэрээһин үрдүк таһымнаах. Күрэхтэһии кэмигэр атын кыттааччылары кытта билистибит, уопут атастастыбыт.
Улахан күрэхтэһиигэ ситиһиилэнэн кэлбит оҕолор төрөппүттэрэ тириэньэр Александра Бронскихха уонна художественнай гимнастика федерациятын бэрэсидьиэнигэр Людмила Николаеваҕа махталларын биллэрдилэр.
“70-80-с сылларга төрөөбүт дьоҥҥо судаарыстыбаттан босуобуйа төлөнөр, онон бу ыйыллыбыт сигэҕэ киириҥ” диэн иһитиннэрии ааспыкка…
Ил Дархан Айсен Николаев Кириэмилгэ Владимир Путин бэрэссэдээтэллиир РФ Судаарыстыбаннай Сэбиэтин мунньаҕар кыттыыны ылла. Мунньахха…
Арассыыйа норуодунай артыыската Вера Алентова 83 сааһыгар олохтон туораата. Бу туһунан РИА-Новости иһитиннэрэр. Вера Алентова…
Ааспыт сууккаҕа өрөспүүбүлүкэҕэ биэс буруйу оҥоруу буолбутун туһунан СӨ Борокуратуурата иһитиннэрэр. Дьокуускайга суотабай төлөпүөнү уорбуттар.…
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдээһин үлэтэ салҕанар. Ахсынньы 16 күнүнээҕи…
Саҥа дьыл саҕана үгүс хаһаайкалары бырааһынньык остуола долгутар. Саҥа дьыллааҕы салааттар, ас-үөл барыта сыалаах-арыылаах. Бырааһынньык…