Саха сирин хайыһардьыттара Уһук Илин чөмпүйүөннэринэн буоллулар

Саха сирин хайыһардьыттарыгар Соҕуруу Сахалинскайга ыытыллыбыт Уһук Илиҥҥи күрэхтэһиитин иккис күнэ өрөгөйдөөх кыайыыларынан түмүктэннэ.

Саха спортсменнара сприҥҥа икки кыһыл көмүс мэтээллэри ыллылар. 1,3 км дистанцияҕа кыһыл көмүс мэтээллэргэ Вадим Кривоногов уонна Инна Рыбкина тигистилэр.

Санаттахха, Инна Рыбкина бу иккис мэтээлэ буолар. Ол курдук, 10 км дистанцияҕа Саха сирин спортсменката үрүҥ көмүс призерунан буолбута. Кинини кытта үһүс миэстэҕэ Алена Федо таҕыста.

Спортсменнар «Алдан» олимпийскай резервэтин успуорка оскуолатын иитиллээччилэринэн буолаллар. Олунньу 1 күнүгэр хайыһардьыттар бырагыраамаларынан дьахталларга 5 км, оттон уолаттарга 10 км классическай истиилинэн сүүрүү ыытыллыаҕа. Олунньу 2 күнүгэр кинилэри эстэпиэтэ күүтэр.