Саха сирин спортсменнара хайыһарга Уһук Илин первенствотын күрэхтэһиитин призердарынан буоллулар

«Алдан» олимпийскай резервэтин успуорт оскуолатын иитиллээччилэрэ Ирина Рыбкина уонна Алена Федо хайыһарга Уһук Илин первенствотын күрэхтэһиитин призердарынан буоллулар.

Күрэхтэһии бу күннэргэ Соҕуруу Сахалинскайга ыытыллар. Анна Рыбкина 10 км дистанцияҕа үрүҥ көмүс мэтээлинэн, оттон Алена Федо боруонса мэтээлинэн наҕараадаланнылар. Ону таһынан Саха сирин хайыһардьыттара Виктория Хромова, Илья Федоров уонна Никита Меронов Арассыыйа успуордун маастардарын нормативтарын толордулар.

Бастакы миэстэни Хабаровскай кыраайтан Анастасия Гринько ылла.

Саха сириттэн күрэхтэһиигэ 14 спортсмен кытынна — тоҕус уол, биэс кыыс. Уһук Илиҥҥэ первенствотын күрэхтэһиитэ олунньу 2 күнүгэр диэри ыытыллыаҕа. Күрэхтэһиигэ аҕыс эрэгийиэнтэн 80-тан тахса спортсмен кыттар.