Саха сирин хамаандата футзалга Бишкек турнирын кыайылааҕа буолла

«Газпром» успуорт комплексыгар U-16 «Кубок СДЮШОР СИ» норуоттар икки ардыларынааҕы турнир футзалга финальнай көрсүһүүлэрэ буолан ааста.

Кыргыстаан Өрөспүүбүлүкэтин футзалга Ассоциацията иһитиннэрбитинэн, турнирга «Топ Тоголок», «Виват», «Джалал-Абад» уонна VIII  «Азия оҕолоро» норуоттар икки ардыларынааҕы успуорт оонньууларын Бишкек куоракка үөрэтэ-эрчийэ тиийбит хамаандалара кытыннылар.

Турнир кыайыылаахтарынан Дьалал-Абада хамаандатын 4:1 ахсаанынан финалга кыайбыт Саха сирин эдэр футболистара буоллулар.

Боруонса призерунан «Топ Тоголок» хамаанданы 3:1 ахсаанынан кыайбыт «Виват» хамаандата буолла.

Түмүккэ турнир призердарын наҕараадалыыр үөрүүлээх сиэригэр- туомугар бастыҥ оонньооччулара ааттаннылар.