Саха сирин хамаандата «Йошка Еш» гастрономическай бэстибээлгэ кыайыылаах таҕыста

«Тыгын Дархан» гастрономическай бренды билиһиннэрэр Саха сирин национальнай хамаандата, «Йошка Еш» III эрэгийиэннэр икки ардыларынааҕы бэстибээлгэ дьон куоластааһынын түмүгүнэн кыайыылаах буолла. Бу туһунан «Тыгын Дархан» ТГ-ханаала иһитиннэрэр.

Күрэххэ Арассыыйа бары муннугуттан 50-тан тахса бастыҥ пуобардар уонна ресторатордар кытыннылар. Саха дэлэгээссийэтэ чыыртан, таба этиттэн оҥоһуллубут төрүт үгэс буолбут астары уонна эмтээх от чэйдэрин көрдөрдө. Ону таһынан Йошкар-Ола дьаһалтата кыайыылаах хамаандаҕа анал Куубагы туттарда.

Дьүүллүүр сүбэнэн саха аһын уратыта, олохтоох аһы-үөлү туһаныы, аһы киэргэтэн ууруу маастарыстыбата уратытык бэлиэтэннилэр. Бэстибээлгэ дойду араас эрэгийиэннэриттэн 200-тэн тахса национальнай ас көрүҥэ кытынна. Саха хамаандатын кыайыыта өрөспүүбүлүкэ ас-үөл төрүт үгэстэригэр дьон интэриэһэ үрдээн иһэрин бигэргэтэр. Шеф-повар Николай Атласовы уонна бүтүн хамаанданы кыайыыгытынан эҕэрдэлиибит!