Саха сирин хамаандата — киберуспуорка

Саха сирин HOTU х ELGA киберуспуорт хамаандата нэдиэлэ иһигэр дьоһун түмүгү ситистэ, ол курдук HLTV аан дойдутааҕы эриэйтинигэр 174 миэстэттэн 106 миэстэҕэ таҕыста.

HLTV – киберуспуорка, сүрүннээн Counter-Strike (CS) оонньууга аналлаах биир бөдөҥ уонна ааттаах-суоллаах саайтынан буолар. Платформа хамаандалары, оонньооччулары, турнирдары, киберуспуорт сонуннарын сырдатар.

HLTV-эриэйтинэ – бу CS аан дойдутааҕы эйгэтигэр хамаандалар күүстэрин холоһор сүрүн сирдэрэ. Официальнай турнирдарга уонна матчтарга хайдах кыттыбыттарынан хамаандалар очукуо ылаллар, бу манан аан дойду эриэйтинигэр кинилэр позициялара хайдаҕын кэтээн көрүөххэ сөп диэн t.me/hotu_esports телеграм-ханаал иһитиннэрэр.