Уус-уран гимнастикаҕа Федерациятын пресс-сулууспата
Казань куоракка уус-уран гимнастикаҕа Арассыыйа Куубагын күрэхтэһиитэ түмүктэннэ. Онно дойду 20 эрэгийиэниттэн 150-тан тахса бастыҥ күрэсчит кытынна.
Бастыҥ хамаандалар Арассыыйа чөмпүйэнээтин түмүгүнэн талылыннылар. Кинилэр кэккэлэригэр – Саха сирин хамаандата. Бөлөҕүнэн эрчиллиигэ, икки көрүҥ түмүгүнэн – лиэнтэлээх, ону тэҥэ обручтаах уонна мээчиктээх эрчиллиилэргэ Саха сирин сүүмэрдэммит хамаандата 13-с миэстэ буолла.
«Бу уустук киирсиигэ биһиги гимнасткаларбыт бэйэлэрин кыахтарын көрдөрдүлэр. Күрэсчиттэр санаалара бөҕө этэ. Хамаанда иннин диэки хардыыны оҥордо! Өрөспүүбүлүкэ уус-уран гимнастикатын Федерациятыгар уонна чуолаан Людмила Валерьевнаҕа хамаанда гимнасткаларын куруук өйүүр, кинилэргэ кыһаналларыгар махталбын тиэрдэбин», — диэтэ Саха сирин уус-уран гимнастикаҕа сүүмэрдэммит хамаандатын сүрүн тириэньэрэ, успуорт үтүөлээх маастара, олимпийскай чөмпүйүөн Ксения Дудкина.
«Биһиги гимнасткаларбыт уустук киирсиигэ олус бэркэ кытыннылар. Кинилэр дойду саамай күүстээх хамаандаларын кытта күрэхтэстилэр, бу – Арассыыйа гимнастикатын элиитэтэ. Кыттыбыппытынан киэн туттабын! Успуорт диэн Успуорт — олус сытыы киирсии, үрдүк күрэстэһии. Биһиэхэ өссө элбэҕи үлэлиэххэ, эрчиллиэххэ, бэйэбит исписэлиистэрбит истэриттэн тириэньэрдэри уонна үрдүк квалификациялаах судьуйалары үөрэтиэххэ наада. Оттон бүгүн гимнасткаларбытыгар кыайыыга дьулуурдарын иһин, тириэньэрдэргэ үлэлэрин иһин махтанабын!», — диэн СӨ Уус-уран гимнастикатын Федерациятын бэрэсидьиэнэ Людмила Николаева бэлиэтээтэ.
Саха сирин уус-уран гимнастикаҕа сүүмэрдэммит хамаандата дойду саамай үрдүк таһымнаах күрэхтэһиилэригэр чиэстээхтик кыттан, Арассыыйа бастыҥ «ТОП-20» хамаандаларын ахсааныгар уонна дойду бастыҥ уон гимнастическай оскуолаларын рейтинигэр киирдэ, диэн өрөспүүбүлүкэ Уус-уран гимнастикатын Федерациятын пресс-сулууспата бэлиэтиир.
Ахсынньы 6 күнүгэр Амма сэлиэнньэтин «Дружба» успуорт комплексыгар успуорт көрүҥүн бочуоттаах бэтэрээнэ Геннадий Васильевич Окороков…
Дьокуускайга икки эр киһи субуотаҕа балыктыы тахсан баран, дьиэлэригэр төннүбэтэхтэр. Кинилэри көрдүү бэнидиэнньиккэ үс быыһааччы…
Erid: 2SDnjduRUSK Ахсынньы 1–21 күннэригэр мета-куйаарга «Сайылык» онлайн-бэстибээл ыытыллыаҕа. Манна көрөөччүлэр Саха сирин ускуустубатын, киинэтин,…
Өлүөхүмэ оройуонун борокуратуурата сибээс туһунан федеральнай сокуон толоруллуутун бэрэбиэркэлээтэ. Бэрэбиэркэ түмүгүнэн, Өлүөхүмэ куоракка уонна тыа…
Ил Түмэҥҥэ ыытыллыбыт төгүрүк остуол кыттыылаахтара өрөспүүбүлүкэ бырабыыталыстыбатыгар Российскай Федерация сиригэр-уотугар үлэлиир Баһаары утары эрэсиим…
СӨ Бырабыыталыстыбатын Бэрэссэдээтэлин бастакы солбуйааччы Дьулустан Борисов эрэгийиэннээҕи инвестиционнай килиимэт бырайыагын ырытар мунньаҕы салайан ыытта.…