Саха сирин хамаандата «Вызов Сибири» турнирга үһүс миэстэҕэ тигистэ

Иркутскай уобаласка быйыл «Вызов Сибири» ГТО аһаҕас Куубага түмүктэннэ. Күрэхтэһиигэ 9 спортсменнардаах Саха сирин хамаандата икки боруонса мэтээли ылары ситистэ.

Күрэхтэһиигэ Арассыыйа 34 эрэгийиэниттэн, ону тэҥэ Монголияттан уонна Казахстантан бэрэстэбиитэллэр кытыннылар. Бу туһунан УФКиМС пресс-сулууспата суруйар.

Үс күн устата кыттааччылар сүүрүүгэ, харбааһыҥҥа, гимнастическай уонна күүстээх эрчиллиилэргэ күрэхтэстилэр. «Элита» категорияҕа тахсыбыт саха спортсменнара Игнат Чомчоев уонна Александра Барашкова ситиһиилээхтик кытыннылар. Кинилэр бастакы икки дисциплинаҕа кыайдылар, оттон финалга үһүс миэстэни ыллылар.

Эр дьоҥҥо «Элита» категорияҕа бастакы миэстэни Илья Новиков (Орел), иккис — Андрей Федотов (Москва) ыллылар. Дьахталлар ортолоругар Анастасия Плеханова (Кемерово), иккис — Мария Руссо (Уссурийск) бастаатылар.

Саха сирин хамаандата маны таһынан «Любители», «Продвинутые» уонна «35+» категорияларга кииристилэр. Күрэхтэһиини Иркутскай уобалас «CF BAZA» кулууп көмөтүнэн ГТО-ҕа многоборье Федерацията тэрийдэ.