Саха сирин ханнык баҕарар ыала Арассыыйа устун айаны уонна сыаналаах бириистэри сүүйүөн сөп

Өрөспүүбүлүкэ “Дьиэ кэргэнинэн бары” (“Всей семьей”) Бүтүн Арассыыйатааҕы бырайыакка кыттар.

Бу тэрээһин бэрэсидьиэн Владимир Путин 2024 сылга Арассыыйаҕа биллэрбит Дьиэ кэргэн сылыгар анаммыта. Уонна дьиэ кэргэн үтүө үгэстэрин бөҕөргөтүүгэ уонна оҕолоох ыаллар сыньалаҥнарын бииргэ атааралларыгар туһуламмыта.

Ахсынньы 15 күнүттэн саҕалаан дойду ханнык баҕарар дьиэ кэргэнэ “Всей семьей” бырайыак Бүтүн Арассыыйатааҕы куонкуруһугар кыттыан сөп.

Нэдиэлэҕэ биирдэ куонкуруска кыттар ыалларга сорудахтары биэриэхтэрэ. Олор истэригэр – киэһээҥҥи аһылыгы бэлэмнээһин, түмэлгэ поход уо.д.а. Ол курдук, тэрийээччилэр Саҥа дьыллааҕы харыйаны киэргэтиҥ диэн сорудах биэрдилэр.

Хас биирдии сорудаҕы оҕолор төрөппүттэрин кытта бииргэ толоруохтаахтар, онтон  VK социальнай ситимнэринэн эбэтэр “Одноклассники” ситимҥэ  #всейсемьей хештегинэн дьиэ кэргэн сынньалаҥын  көрдөрөр хаартыскаларын таһаарыахтаахтар.

Ый аайы тэрийээччилэр түмүктэри таһааран, кыайыылаахтары эҕэрдэлиэхтэрэ.

Кулун тутар ый бүтүүтүгэр түмүгү таһаарыыга бириистэри саамай көхтөөх ыалларга туттарыахтара. “Всей семьей” бырайыакка дойдубут кэрэ миэстэлэринэн дьиэ кэргэнинэн 100  туру уонна үгүс сыаналаах бэлэхтэри туттарыахтара.

Бу бырайыакка Арассыыйа оҕолоох ханнык баҕарар ыаллара кыттыахтара. Онуоха бырайыак дьиҥ таһымнаах сирэйигэр социальнай ситимнэртэн биирдэстэригэр киирэн регистрацияланыахтааххыт.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата