Хаартыска: СИА
Муус устар 10 күнүгэр Саха сирин Идэлээх сойуустарын федерациятын сэбиэтин мунньаҕар Саха сиригэр Бүтүн Арассыыйатааҕы Пиэрибэй Маай аахсыйатын ыытыы сүрүн көрүҥүн быһаардылар.
Мунньах түмүгүнэн Сэбиэт чилиэннэрэ быйыл Саха сирин Идэлээх сойуустара социальнай уонна үлэҕэ боппуруостары сүрүннээһиҥҥэ үс өрүттээх өрөспүүбүлүкэтээҕи уонна муниципальнай хамыыһыйалар мунньахтарын, бастакы сүһүөх идэлээх сойуустар тэрилтэлэрин көмөлөрүнэн Пиэрибэй маайдааҕы аахсыйаны мунньахтар көмөлөрүнэн ыытыахтара. Ону тэҥэ үлэһит династиялары, настаабынньыктары, туруу үлэһиттэри чиэстиир Үлэ күннэрэ, оҕолоох ыалларга успуорт маассабай тэрээһиннэрэ тэриллиэхтэрэ. Ыччаттарга патриотическай тэрээһиннэр буолуохтара: кэнсиэртэр, автопробегтар, ыам ыйын 1 күнүгэр анаммыт өй оонньуулара.
“Дойдубут бүттүүнүн идэлээх сойуустарыгар үлэһиттэр олоххо-дьаһахха уонна үлэҕэ бырааптарын көмүскээһиҥҥэ туһуламмыт ирдэбиллэри туруоруохтара: дьоһун хамнаһы, үлэлээх буолууну, үлэ харыстабылын уонна киһи быраабын тутуһууну. Көрүҥүттэн тутулуга суох идэлээх сойуус аахсыйата буолуоҕа. Онон тустаах тэрилтэлэргэ араас көрүҥнэри туһаналларыгар сүбэлиибит. Саха сирин Идэлээх сойуустарын федерацията тэрээһиннэр уопсай былааннарын оҥоруоҕа”, — диэтэ идэлээх сойуус лиидэрэ Николай Дегтярев.
Быйыл Пиэрибэй маайдааҕы аахсыйа тиэмэтэ: “Хас биирдиибит таһаарыылаах үлэтэ – дьиэ кэргэн этэҥҥэ буолуутун уонна дойду сайдыытын мэктиэтэ”, — диэн федерация пресс-сулууспата иһитиннэрэр.
Беларусь Өрөспүүбүлүкэтин Минскэй куоратыгар олунньу 20-22 күннэригэр үс төгүллээх олимпийскай чөмпүйүөн Александр Медведь бирииһигэр көҥүл…
Ленскэй оройуонугар биир киһи «ВАЗ-2121» массыынаны алдьатан, холуобунай дьыалаҕа эрилиннэ. Бу туһунан ИДьМ пресс-сулууспата иһитиннэрдэ. …
80 саастарын ааспыт кырдьаҕастары, эбэтэр, 1 группалаах инбэлииттэри көрөн-харайан олорор кэм биэнсийэҕэ страховой ыстаас быһыытынан…
Нам улууһугар олунньу 15 күнүгэр СӨ хапсаҕайга федерациятын президенэ Николай Румянцев бирииһигэр республикатааҕы «Эҥсиэли хапсаҕайа»…
Өрөспүүбүлүкэҕэ “Саха сирэ – дьоруойдар дойдулара” каадыр бырагыраматын олоххо киллэрии бара турар. Барыл кыттыылаахтара өрөспүүбүлүкэ…
Хапкааҥҥа атаҕыттан хаптарбыт бэдэри "Халыма" федеральнай суолугар Чурапчы уонна Мэҥэ Хаҥалас улуустарын икки ардыгар суоппардар…