Саха сирин икки боксера Уһук Илиҥҥэ юниордарга бастыыр иһин күрэхтэһии финалыгар таҕыста

Саха сирин икки боксера Уһук Илиҥҥэ юниордарга бастыыр иһин күрэхтэһии финалыгар таҕыста: 60 киилэҕэ Руслан Никитин уонна 63,5 киилэҕэ Леон Никифоров кыһыл көмүс мэтээл иһин киирсиэхтэрэ.

Күрэхтэһии Улан-Удэҕэ буола турар диэн СӨ сүүмэрдэммит хамаандаларын бэлэмниир өрөспүүбүлүкэтээҕи киин иһитиннэрэр.

Никитин Бурятияттан Буянто Мангатаевы 5:0 ахсааҥҥа, оттон Никифоров Забайкальеттан Магомед Махантовы судьуйа быһаарыытынан кыайдылар.

Итиэннэ боруонса мэтээлинэн 60 киилэҕэ Семен Петров наҕараадаланна. Артур Голиков полуфиналга тахсан күрэхтэстэ. Күрэхтэһии салгыы бүгүн, кулун тутар 27 күнүгэр, ыытыллыаҕа.