Сарсын Ил Дархан Айсен Николаев Анал этиитин оҥоруоҕа

Сарсын, ахсынньы 19 күнүгэр, 12:00 чаастан Саха сирин Ил Дархана Айсен Николаев Ил Түмэҥҥэ сыл аайы ыытыллар Анал этиитин иһитиннэриэҕэ.

Ил Дархан Анал этиитигэр чугаһынан уонна кэлэр кэмҥэ өрөспүүбүлүкэ сайдыытын сүрүн хайысхаларын ыйыаҕа. Итиэннэ Айсен Николаев эрэгийиэннээҕи бырабыыталыстыба уонна парламент, бэйэни салайыныы уорганнара, тэрилтэлэр уонна тэриллиилэр, уопсастыбаннас бары сомоҕолоһон үлэлииллэрин быһаарар тиэмэлэргэ санаатын этиэҕэ.

Анал этии «Саха» НКИХ, «Якутия 24» ханаалларыгар көстүөҕэ уонна «Тэтим», «Арассыыйа араадьыйата» араадьыйаларга иһиллиэҕэ.