Хаартыска: sakha.gov.ru
Саха Өрөспүүбүлүкэтин ыччат дьыалаларыгар уонна социальнай коммуникацияларга министиэристибэтэ 2025 сылга гражданскай уопсастыбаны сайыннарыыга көмөлөһөр кэмиэрчэскэйэ суох тэрилтэлэр бырайыактарын өйөөһүҥҥэ Саха Өрөспүүбүлүкэтин Ил Дарханын граннарыгар куонкуруска сайаапкалары ылыы саҕаламмытын иһитиннэрдэ.
Куонкуруска Саха сиригэр регистрацияламмыт кэмиэрчэскэйэ суох тэрилтэлэр бары көрүҥнэрэ кытталлар. Бу – ресурснай кииннэр, автономнай кэмиэрчэскэйэ суох тэрилтэлэр, сирдээҕи-уоттааҕы уопсастыбаннай олохтоох салайыныы тэрилтэлэрэ уонна НКО атын көрүҥнэрэ, хаһан регистрацияламмыттарыттан тутулуга суох кытталлар.
Куонкуруһу үбүлээһин кээмэйэ — 93 666 778,47 солкуобай. Үбү-харчыны 16 бырайыакка түҥэтиэхтэрэ: Ыччат бэлиитикэтигэр, патриотическай иитиигэ, баҕа өттүнэн көмөлөһүүнү (волонтерскай) үлэни сайыннарыыга, тулалыыр эйгэни уонна кыыллары харыстааһыҥҥа, наука, үөрэх бырайыактарын өйөөһүҥҥэ, доруобуйаны харыстааһыҥҥа, успуорт эйгэтигэр, гражданскай уопсастыба институттарыгар, сирдээҕи-уоттааҕы уопсастыбаннай бэйэни салайыныылары өйөөһүҥҥэ, саастарын ситэ илик оҕолор быраабы кэһиилэрин бохсууга, наркотигы туһанааччылары чөлүгэр түһэриини өйөөһүҥҥэ, ыарахан балаһыанньаҕа түбэспит дьону өйөөһүҥҥэ анаммыт, хоруупсуйаны утары үлэҕэ, киһини духуобунай өттүнэн сайынарыыга, СӨ судаарыстыбаннай уонна дьиҥ таһымнаах тылларын өйөөһүҥҥэ, успуорт адаптивнай көрүҥнэрин өйөөһүҥҥэ, дьиэ кэргэни, ийэ, аҕа буолууну, оҕо сааһы өйөөһүҥҥэ..
Куонкурус Саха Өрөспүүбүлүкэтин Ил Дарханын “Об утверждении Положения о грантах Главы Республики Саха (Якутия)” 1127 №-:дээх Ыйааҕар уонна СӨ Бырабыыталыстыбатын “О внесении изменений в отдельные нормативные правовые акты Правительства Республики Саха (Якутия)” 370 №-дээх уурааҕар олоҕуран ыытыллар.
Куонкуруска сайаапкалары биэрии “Электронный бюджет” ситиминэн аан бастаан бэриллэр: https://budget.gov.ru/.
Сайаапканы маннык сигэнэн ыытыҥ: https://promote.budget.gov.ru/public/minfin/selection/view/91a64a95-f833-4d35-81aa-d47e062648ad?showBackButton=true&competitionType=0&tab=2
Куонкурус туһунан наадалаах иһитиннэриини манан киирэн көрүҥ: https://minmol.sakha.gov.ru/news/12595 и http://publication.pravo.gov.ru/document/1400202509150003?index=1
Аадырыс: Ленин проспега, 30, 2 №-дээх Бырабыыталыстыба дьиэтэ
Ыйытар төлөпүөн: (4112) 507-123, Елена Дьясковская, кылаабынай исписэлиис э.т. , 8(924) 664 28-24, Тарасова Николина, пресс-секретарь АНО “НКО Якутии” АНО пресс-сэкирэтээрэ
Электроннай почта: otdelsonko@mail.ru
Күн-дьыл билгэтэ. Быйыл кыһын сылгы сотору-сотору хахсыйарын, эбэтэр ойуурга киргил торулуурун иһиттиҥ дуо? Хатааһыннаах саас…
Ил Дархан Айсен Николаев Арассыыйа Наукаларын Академиятын бэрэсидьиэнэ Геннадий Красниковы кытта көрүстэ. Көрсүһүүгэ РНА вице-бэрэсидьиэнэ…
Нам улууһугар Аппааныга дьон-сэргэ доруобуйатын тупсарынарыгар, чэгиэн, чөл буоларыгар, толкуйдуур дьоҕурун сайыннарарыгар үлэ тиһиктээхтик ыытыллар.…
Бу бырагырааманы үбүлээһин үс хайысханан оҥоһуллар: федеральнай, Саха Өрөспүүбүлүкэтин судаарыстыбаннай уонна муниципальнай тэриллиилэр олохтоох бүддьүөттэриттэн.…
Аныгы технологиялаах "Смарт" бибилэтиэкэҕэ робот-бибилэтиэкэр баар буолла. Робот сахалыы саҥарар, дорооболоһор, төбөтүн имэрийдэххэ, манньыйан хараҕын…
Бу күннэргэ күн-дьыл туруга хайдах эбитий? Күнү-дьылы кэтээн көрөөччүлэр туох дииллэрий? Хотугулуу-илин намыһах сирдэргэ -48-53°,…