СӨ Ил Дарханын граннарын куонкуруһун сүрүннүүр хамыыһыйа мунньаҕар 2024 сылга граннары биэриигэ 16 социальнай суолталаах хайысха бигэргэннэ. Ол иһигэр ыччат бэлиитикэтигэр, дойдумсах гына иитиигэ, волонтердарга, дьиэ кэргэни уонна оҕону өйөөһүҥҥэ, тыллары сайыннарыыга, социальнай хайысхалаах кэмиэрчэскэйэ суох тэрилтэлэргэ уо.д.а.
Быйыл Саха сирин Ил Дарханын граннарын эрэгийиэннээҕи куонкуруһун суумата 102 мөл тахса солк. тэнэһэр.
“Сайаапкалары кулун тутар 25 күнүттэн тутуу саҕаланыаҕа уонна 2024 сыл муус устар 23 күнүгэр диэри 30 күн устата буолуоҕа. Араас эйгэлэртэн 45 эспиэр кыттыаҕа. Федеральнай таһымнаах эспиэр сыаналыыр үлэни сүрүннүөҕэ”, — диэтэ Саха сирин Бырабыыталыстыбатын Бэрэссэдээтэлин солбуйааччы Ольга Балабкина.
Куонкурус туһунан иһитиннэри иуонна ирдэнэр докумуоннары бүгүн https://grants.yakutia.click цифровой аналитическай платформаҕа, ону тэҥэ Ыччат дьыалаларыгар министиэристибэ https://minmol.sakha.gov.ru/ саайтыгар тахсыаҕа.
Саха сирэ Уһук Илин эрэгийиэннэрин иһигэр Бэрэсидьиэн граннарын пуондун уонна Култуура көҕүлээһиннэрин бэрэсидьиэн пуондатын куонкурустарыгар киллэрбит көҕүлээһиннэринэн инники күөҥҥэ сылдьар.
Куонкуруһу ыытыыга гражданскай уопсастыбаны сайыннарыыга 414 сайаапка киирбитэ, итинтэн уопсайа 117 мөл солкуобай суумалаах 71 бырайыак өйөммүтэ.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата.
Ол эрээри оппозиция евроинтеграция диэн көөчүктээн майдаан суолун тутуһар диэн этэр политолог Чокуур Гаврильев.
Ааспыт сууккаҕа өрөспүүбүлүкэҕэ буруйу оҥоруу 8 түбэлтэтэ бэлиэтэннэ. СӨ Борокуратуурата иһитиннэрбитинэн, Кэбээйи улууһун Сэбээн Күөлүгэр …
КЧС быһаарыытынан Ньурба куоракка, Дьаархан уонна Октябрьскай нэһилиэктэригэр ыксаллаах быһыы-майгы эрэсиимэ биллэрилиннэ. Бу туһунан олоҕу-дьаһаҕы…
Бырабыыталыстыба бэрэссэдээтэлин бастакы солбуйааччы Дмитрий Садовников бүгүн сарсыарда халаан балаһыанньатын билиһиннэрдэ. - Өлүөнэ өрүс…
Өлүөнэ өрүскэ мууһа Хаҥалас уонна Өлүөхүмэ оройуоннарынан устар. Муус алын кырыыта Хаҥалас Иһит сэлиэнньэтин аннынан …
«Полярные авиалинии» АХ Өлүөнэ өрүскэ гидрологическай быһыы-майгы сытыырхайдаҕына, Ми-8 бөртөлүөтүнэн нөҥүө кытылга дьону таһарга бэлэмин…