Хаартыска СӨ Баһылыгын пресс-сулууспатыттан
Ытыктабыллаах Саха сирин олохтоохторо!
Саха Өрөспүүбүлүкэтин салалтатын уонна тус бэйэм ааппыттан Полярник күнүнэн эҕэрдэлиибин!
Бу бырааһынньык – биһиги планетабыт саамай уустук быһыылаах-майгылаах, таайыллыбатах эйгэлээх Арктиканы баһылыыр хорсун, тулуурдаах уонна булгуруйбат санаалаах дьонугар ытыктабыл бэлиэтэ.
Бүгүн дойдубут билиҥҥи уонна инники олоҕор тумус тутуллар суолталаах кэмнэригэр Арктика боппуруостара, полярниктар баайдаах сири-уоту баһылааһыҥҥа уонна сайыннарыыга киллэрэр кылааттара уонна үлэлэрэ үрдүктүк сыаналанар. Бу ураты эрэгийиэн аан дойду болҕомтотугар баар, уонна Арктика эргимтэлэригэр Арассыыйа баар буолуутугар Арктиканы уонна Антарктиканы баһылааһыҥҥа полярниктар көмөлөрүнэн оҥоһуллар.
Арассыыйа Бэрэсидьиэнэ Владимир Путин сүдү кыахтаах экэниэмикэлээх, дойдуну көмүскээһиҥҥэ уонна энергетика кыаҕырыытыгар дьоһун суолталаах Арктика судаарыстыба сайдыытыгар ураты стратегическай суолталааҕын бэлиэтээбитэ.
Бу сир-уот уратытын уонна социальнай-экэнэмиичэскэй усулуобуйатын учуоттаан, Саха сирин Арктика түөлбэтэ ураты болҕомтону, сайдыы туспа хайысхаларын уонна социальнай-экэнэмиичэскэй сайдыы соруктарын эрэйэр. Мин кулун тутар ыйга “Саха Өрөспүүбүлүкэтин Арктика зонатыгар судаарыстыба бэлиитикэтин сүрүн хайысхаларын туһунан” стратегическай ыйаахпын саҥардан биэрбитим, маны олоххо киллэриини 2030 сылга диэри уһатан. Ыйаахха өрөспүүбүлүкэ Арктикатааҕы түөлбэтигэр судаарыстыба бэлиитикэтин үс тумус тутуллар хайысхалара чопчуламмыттара, сүрүн соругунан Арктикаҕа олох-дьаһах тупсарыгар анаммыта. Нэһилиэнньэ олоҕун таһыма үрдүүрүн таһынан итиннэ өссө социальнай инфраструктураны саҥардыы, дьон олохсуйарын туһугар табыгастаах эйгэни тэрийии, 2023 сыл таһымыгар сүрүн хапытаалга инвестиция үүнүүтүн биэс төгүлгэ тиэрдии киирбиттэрэ.
Полярнай усулуобуйаларга үлэлээһин үрдүк квалификацияны таһынан, идэни дэгиттэр баһылааһыны, бэриниилээх үлэни, ону тэҥэ күүстээх санааны ирдиир, итилэри Арктика түөлбэтигэр олорор дьон хас күн ахсын көрдөрөллөр. Эһиги эрэ Уһук Хоту дойду усулуобуйатыгар научнай сайдыы уонна куттала суох буолуу көмүскэлигэр тураҕыт. Эһиги – аан дойдуга Арктика уонна Антарктика кистэлэҥин аан дойдуга арыйбыт хорсун чинчийээччилэр үтүө үгэстэрин салгыыр дьиҥнээх дьоруойдаргыт. Эһиги таһаарыылаах үлэҕитинэн Арассыыйа полярнай эргимтэни үөрэтиигэ уонна баһылааһыҥҥа инники күөҥҥэ сылдьарын иһин киэн туттабыт. Наука, экология уонна саҥа технологиялары сайыннарыы эйгэлэригэр эһиги ситиһиилэргит сүдү суолталаахтар.
Бу бырааһынньык күн Арктиканы үөрэтиигэ уонна Уһук Хоту дойдуну баһылааһыҥҥа олохторун анаабыт полярниктарга, ону тэҥэ Арктика эрэгийиэннэрин олохтоохторугар Аҕа дойдуга тапталларын уонна бэриниилээхтэрин, хорсуннарын, улуу Арассыыйа чэчирии сайдарын туһугар сыралаах үлэлэрин иһин махтанабын.
Хас биирдии күҥҥүт саҥа арыйыыларынан уонна ситиһиилэринэн арыалланнын, оттон биир идэлээхтэргит уонна чугас дьоҥҥут өйөбүллэрэ эһигини тымныы эргимтэлэргэ сылааһынан угуттаатын. Улу удойдубут туһугар чэгиэн доруобуйаны, уостубат дьулууру уонна саҥа кыайыылары баҕарабын!
А.С.Николаев, Саха Өрөспүүбүлүкэтин Ил Дархана.
Сииттэҕэ "Үтүө санаа харыйата" сылын аайы ыытыллар. Кэнники кэмнэ олохтоохтор олус көхтөөхтүк кыттар буоллулар. Киирбит…
Бэрдьигэстээххэ 2025 сылы түмүктүүр "Бастыҥнар түһүлгэлэрэ" тэрээһин үрдүк таһымнаахтык буолан ааста. Үрдүктэн үрдүгү баһылааһын, сулустарга…
2026 сыл Уот кыһыл ат сыла буоларынан уонна улууспутугар ыытыллар Олонхо сылынан Сииттэ олохтоохторугар ураты,…
Бүгүн Үөһээ Бүлүүттэн ааҕааччыбыт, элбэх ырыа куонкуруһун кыайыылааҕа, ырыаһыт Ариан Федоров үүнэр 2026 сылы көрсө…
Саҥа дьыл кэнниттэн сорохторго өссө биир уоппуска кэмэ наадатын курдук буолар. Тоҕо диэтэххэ, урукку тэтимнэригэр…
Аҕыйах оҕону бэлэмнээн, хаар түспүтүн кэннэ сыарҕалаах ат булан, пиэримэҕэ кэнсиэрдии барабыт. Миигин бэлэмнээн биллэрээччи…