Саха сирин Ил Дарханын «Үлэ киһитэ» бириэмийэтигэр 300 тахса сайаапка киирдэ

Саха сирин Ил Дарханын бириэмийэтигэр куонкуруска тэрилтэлэр кэлэктииптэриттэн, араас министиэристибэлэртэн 315 сайаапка киирдэ. Итилэртэн салаа министиэристибэлэртэн бары киритиэрийдэргэ сөп түбэһэр 107 сайаапка сүүмэрдэннэ.
Куонкурус сүрүн киритиэрийдэрэ:
1) производствоҕа уонна производственнайа суох эйгэҕэ үлэҕэ үрдүк түмүктэр;
2) үлэҕэ новаторскай идиэйэлэри киллэрии, айымньылаах үлэ;
3)эдэр исписэлиистэргэ настаабынньыктааһын.
Салаа түһүмэҕин ааспыт кыттааччылар өрөспүүбүлүкэ Бырабыыталыстыбатын иһинэн Хамыыһыйаҕа көрүллүөхтэрэ.
Өрөспүүбүлүкэ 300 тыһыынча кээмэйдээх бириэмийэтэ 50 бастыҥ үлэһиккэ ыам ыйын 1 күнүн — Саас уонна үлэ бырааһынньыгын көрсө туттарыллып.
Санаттахха, Ил Дархан бириэмийэтигэр куонкурус үһүс төгүлүн ыытыллар.
Саха Өрөспүүбүлүкэтин Ил Дарханын уонна
Саха Өрөспүүбүлүкэтин Бырабыыталыстыбатын пресс-сулууспата.
Сообщить об опечатке
Текст, который будет отправлен нашим редакторам: