Хаартыска: СИА
Үлэ кыбартаалыгар олохтоох саҥа бырайыактар питчиннарын ыыттылар. Быйыл АЛРОСА соруктарыгар анаан, Саха сирин IT-хампаанньаларын күүһүнэн саҥа бырагыраама-бородуукталары оҥоруу саҕаламмыта. Саҥа бырагыраама-бородуукталары хампаанньаҕа уонна кини хос тэрилтэлэригэр эрэ буолбакка, атын да алмааһы хостуур хампаанньаларга туһанар былааннаахтар.
Онуоха Дьокуускайга Үлэ кыбартаалын дьиэтигэр IT-индустрия салаатыгыр саҥа олохтоох бырайыактар питчиннарын ыыттылар. АЛРОСА соругу туруорааччы быһыытынан IT-хампаанньалар салааҕа туһаныллар хаачыстыбалаах, күрэстэһэр кыахтаах бородууктаны оҥороллоругар көмөлөһөр.
Түмүк быһаарыылары хампаанньаҕа бэйэтигэр эрэ туһамматтар — бырайыактар АЛРОСА-ҕа туһаныллыбыттарын кэннэ атын да хайа рудалаах хампаанньаларга киэҥник туһаныллыахтарын сөп.
«Бүгүн биһиэхэ олус суолталаах сиэссийэ. Биһиги АЛРОСА-ны кытары саҕалаабыт үлэбитин уопсастыбаннас, IT-исписэлиистэр бэл, федеральнай таһымҥа хайыы үйэ улаханнык кэрэхсииллэр. Бу үлэ хампаанньаҕа эрэ буолбакка, биһиги ИТ-салаабытыгар туһаны аҕалыаҕа”, — диэн СӨ инновацияҕа, сыыппаралаах сайдыыга уонна инфокоммуникационнай технологияларга миниистирэ Анатолий Семенов эттэ.
АЛРОСА уонна Саха сирин инновацияҕа сайдыытын пуондатын кытары 100 мөлүйүөн солкуобай суумаҕа бииргэ үлэлиир туһунан дуогабарга быйыл тохсунньуга илии баттаммыта. Бу үбүнэн үс сыл устата ИТ-Парка резиденнэрин күүһүнэн холбоһуктаах ИТ-быһаарыылар ылыллыахтара.
«Хампаанньа РФ сыыппаралаах сайдыыга министиэристибэтэ бигэргэппит стратегиялаах, онно бырагырааманан хааччыллыы бары араҥатын солбуйар тэрээһиннэр былааннара киирэллэр. Биһиги билигин икки бырайыагы үлэлэтэбит. Бастакыта – мэдиссиинискэй хабааннаах, иккиһэ авиахампаанньаҕа аналлаах, ол эбэтэр авиационанй двигателлар мониториннарын систиэмэтин оҥоруу. Биһиги Саха сирин бырагырааманы оҥорооччуларын атын быһаарыыларын уонна этиилэрин көрүөхпүт, кинилэр бородуукталарын атыылаһыахпыт дии саныыбыт. Ол курдук, быйын 5-6 бырайыагы талыахпыт уонна уонна үлэбитин саҕалыахпыт. Бу – саҕалааһын эрэ, бастакы сылбыт эрэ буолар. Биһиги оробуочай быһаарыылары түмүктүөхпүт уонна эһиил салҕыахпыт диэн эрэнэбин”, — диэн АЛРОСА иһитиннэрэр технологияларга дириэктэрэ Максим Каданцев бэлиэтээн эттэ.
Тохсунньу 9 күнүгэр Уус Алдан улууһугар Мүрүгэ "Түһүлгэ" киин балаҕан-дьиэтигэр Саха Өрөспүүбүлүкэтин Суруйааччыларын сойууһун чилиэнэ,…
Доруобай буолуу төрдө. Тыыныынан эмтэнии биир саамай былыргы ньымата -- хатха-йога. Биһиги кэммитигэр биир сиргэ…
Күн-дьыл билгэтин төһө билэҕитий? Бу туһунан И.М.Сосин "Күн-дьыл билгэтэ" кинигэтигэр сиһилии суруллар. Тымныы кыһын буоларыгар:…
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…
Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. Түүн…