Саха сирин казактара Жатай бэтэрээннэригэр уонна олохтоохторго хонуу куукунатын тэрийдилэр

Улуу Кыайыы күнүгэр Жатай бөһүөлэгинээҕи казактар станичнай уопсастыбаларын  казактара киин болуоссакка бэтэрээннэргэ уонна олохтоохторго сылаас аһылыгы тэрийдилэр.

Бу күн Уһук Илин уокуругун казактара Петропавловскай-Камчатскайтан Улан-Удэҕэ тиийэ Улуу Кыайыы параадтарыгар кыттыыны ыллылар. Приморскай уонна Орто-Амурскай уокурук казактарын уопсастыбалара Читаҕа, Уссурийскайга уонна Биробиджаҥҥа араас тэрээһиннэргэ стройунан хаамтылар. Казак ыччаттара Бурятияҕа, Камчаткаҕа, Приморьеҕа, Хабаровскай кыраайга, Амурскай, Сахалин уобаластарыгар уонна Еврей автономнай уобаластарыгар бырааһынньыктааҕы хаамыыларга уонна параадтарга көхтөөх кыттыыны ыллылар.  Үөрүүлээх тэрээһиннэргэ кыттыыны таһынан, Забайкальскай уонна Уссурийскай байыаннай казактар ​​уопсастыбаларыттан 383 казак ​​бырааһынньыкка уопсастыбаннай бэрээдэги хааччыйдылар. Забайкальскай казактара сэрии дьоруойдарыгар анаммыт пааматынньыктары, өйдөбүнньүктэри тупсарыыга кыттыыны ыллылар.   Бу үлэ көрүҥнэрэ Ийэ дойду көмүскээччилэрин сырдык ааттарын үйэтитиигэ уонна ыччакка устуоруйаҕа  ытыктабыллаах сыһыаны үөскэтиигэ туһуланнылар.

Хаартыска: СӨ Бырабыыталыстыбатын пресс-сулууспата.