Саха сирин кэккэ оройуоннарыгар уонна Дьокуускайга интернет ситимэ быһынна

Бүгүн сарсыарда, бэс ыйын 28 күнүгэр, Саха сирин кэккэ оройуоннарын уонна Дьокуускай куорат олохтоохторо интернет ситимэ быһынна диэн биллэрбиттэрэ. СӨ цифровой сайдыыга уонна инфокоммуникационнай технологияларга миниистирэ Анатолий Семенов иһитиннэрбитинэн ВОЛС линияларыгар саахал буолбут. 

««Аллараа Бэстээххэ «Ростелеком» магистральнай ВОЛС линията быһынна. Дьокуускайга уонна атын оройуоннарга интернет суох буолуоҕа. Өрөмүөн биригээдэтэ чөлүгэр түһэриигэ таҕыста», — диэн министр чопчулаата.

Билигин интернет резервнэй каналга көһөрүллүбүт, бары сервистэр саҥардыллан эрэллэр.