Хаартыска: ИРПО
Саха технологическай кэллиэһин (ЮЯТК) хамаандата Орто профессиональнай үөрэх тэрилтэлэрин ыччат медиакииннэрин III Бүтүн Арассыыйатааҕы куонкуруһун финалыгар «Бастыҥ медиакиин» номинацияҕа кыайыылааҕынан таҕыста.
«Бу кыайыы Саха сиригэр профессиональнай үөрэх аныгылыы уонна түмүктээхтик сайдарын туоһулуур. Устудьуоннар үрдүк медиа-грамотноһы, хамаанданан үлэлиир дьоҕуру уонна кылгас болдьоххо хаачыстыбалаах контены оҥорор сатабылларын көрдөрдүлэр. Маннык компетенциялар өрөспүүбүлүкэ каадырынан хааччыйыы кыаҕын күүһүрдэр уонна эдэр профессионаллары бэлэмнээһиҥҥэ олоххо чугас саҥа көлүөнэ исписэлиистэри үөскэтэллэр», — диир СӨ Ил Дархана Айсен Николаев уонна ЮЯТК хамаандатын үрдүк ситиһиитинэн эҕэрдэлээтэ.
«Көхтөөх ыччаты өйөөбүттэригэр кэллиэс педагогтарыгар уонна салалтатыгар махтанабын. Хамаанда саҥа бырайыактара Саха технологическай кэллиэс өрөспүүбүлүкэ профессиональнай үөрэҕин лидердэриттэн биирдэстэрин быһыытынан таһымын күүһүрдэригэр эрэллээхпин», — диэтэ Айсен Николаев.
Профессиональнай үөрэҕи сайыннарыы институтугар иһитиннэрбиттэринэн, Бүтүн Арассыыйатааҕы куонкурус финала «Профессионалитет» федеральнай бырайыак амбассадордарын IV Ыччат сөлүөтүн чэрчитинэн ыытылынна. Тэрээһин сэтинньи 12-14 күннэригэр Грознай куоракка буолан ааста уонна Арассыыйа 81 эрэгийиэниттэн 500-тэн тахса кыттааччыны түмтэ.
Саха сириттэн дэлэгээссийэ байыаннай дьайыы зонатыгар байыастарга гуманитарнай көмөнү тиэртилэр, диэн «Ислам в Якутии» ТГ-ханаал…
Саха Өрөспүүбүлүкэтигэр гражданскай уопсастыбаны сайыннарыыга СӨ Ил Дарханын Гранын куонкуруһун түмүгэ таҕыста. Бу туһунан Ыччат…
Госдуумаҕа Үлэҕэ, социальнай бэлиитикэҕэ уонна бэтэрээннэр дьыалаларын кэмитиэтин чилиэнэ Светлана Бессараб ТАСС-ка иһитиннэрбитинэн, биэнсийэ анаммыт…
Сэтинньи 13-14 күннэригэр СӨ үөрэҕириигэ, физическэй култуураҕа уонна успуорка туйгуна, үрдүкү категориялаах тириэньэр, Р.М. Дмитриев…
Үөрэҕи уонна билими кэтээн көрөр федеральнай сулууспа салайааччыта Анзор Музаев икки хайысханан “Үөрэх тэрилтэлэригэр хаачыстыба…
Өбүгэлэрбит уол оҕону иитиигэ ураты болҕомтону уураллара, элбэх саҥата суох бэйэлэрин кытта үлэҕэ-хамнаска илдьэ сылдьан…