Хаартыска: sakha.gov.ru
2024 сыл сэтинньи 6 күнүттэн 16 күнүгэр диэри Арассыыйа Федерациятын Үөрэҕин министиэристибэтин өйөбүлүнэн “Мин көс аҕа дьиэ кэргэним” Бүтүн Арассыыйатааҕы коункурус буолла.
Саха сириттэн Муома улууһун Улахан Чыыстай сэлиэнньэтиттэн Юлия уонна Николай Громовтар, Елена уонна Василий Соловьевтар, Эбээн Бытантай национальнай улууһун Баатаҕай Алыыта сэлиэнньэтиттэн Туйаара Колесова уонна Алексей Юмшанов, Кэбээйи улуһуун Сэбээн Күөл сэлиэнньэтиттэн Наталья уонна Степан Захаровтар кытыннылар.
”Интеграция традиицонной культуры в образовательный процесс” номинацияҕа Муоматтан эбээн тылын уонна литературатын учуутала Евдокия Викторовна Соловьева лауреат буолла.
Кыттааччылары Саха сирин баһылыга Айсен Николаев эҕэрдэлээтэ.
“Биһиги көс аҕа ыалларбытын ситиһиилээхтик кыттыбыккытынан эҕэрдэлиибин. Хоту дойду төрүт норуоттарын култуураларын уонна олохторун укулаатын харыстааһыҥҥа киллэрэр кылааккыт иһин махтанабын”, — диэн телеграм-каналыгар Айсен Николаев суруйда.
РФ Бэрэсидьиэнэ Владимир Путин Бырабыыталыстыбаҕа Хоту дойду, Сибиир уонна Уһук Илин норуоттарын тылларын үөрэтиини өйүүр боппуруостары болҕойорго сорудахтаата.
Куонкурус сүрүн идиэйэтинэн төрүт үгэстэри илдьэ сылдьыыга тыл суолтатын бэлиэтээһин буолар. Аныгы глобализация уонна урбанизация көс норуоттар олохторугар кытаанах ыҥырыылары үөскэтэллэр.
Куонкуруһу “Национальная родительская ассоциация социальной поддержки семьи и защиты семейных ценностей” ХЭТ тэрийдэ.
Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата
РФ Бырабыыталыстыбатын Бэрэссэдээтэлин солбуйааччы-РФ Бэрэсидьиэни Уһук Илиҥҥэ боломуочуйалаах бэрэстэбиитэлэ Юрий Трутнев «Бойобуой снайпинг Федерацията» Бүтүн…
2025 сыл тохсунньу 1 күнүттэн байыаннай дьайыыга кыттыбыт уонна Сэбилэниилээх күүстэр биэдэмистибэлэригэр үлэлээн бүппүттэр (уурайбыттар,…
Кырачааннары, олохтоохтору үөрдэ-көтүтэ бэҕэһээ тоһуттар тымныылаах, дьүкээбил суһумнуур ыраах хоту сытар Усуйаана улууһун Усуйаана нэһилиэгэр…
Дьокуускайга ахсынньы 14 күнүгэр Халтурин аатынан уулуссаҕа суоппар массыынанан сокуоннай сааһын ситэ илик оҕону түҥнэри…
Ил Дархан Айсен Николаев бу сыл ахсынньы 19 күнүгэр Ил Түмэҥҥэ туһаайан этиитин иһитиннэриэҕэ. Кини…
Ааспыт нэдиэлэ түмүгүнэн түөкүттэр Саха сирин 15 олохтоохторун албыннаабыттар. Уоруллубут үп-харчы уопсай суумата 14,1 мөл.…