"Саха сирин киэн туттуута" бириэмийэ. СИА.
2023 сылга “Саха сирин киэн туттуута” (“Гордость Якутии”) норуот бириэмийэтэ төгүрүк сылын бэлиэтиир. Куонкурус биэс сыл ыытыллыбытын устата биирдиилээн номинацияларга 54 кыайыылаах наҕараадаланна, 1064 хандьыдаат кытынна, өрөспүүбүлүкэттэн уонна Саха сирин тас өттүттэн 2,4 мөл. тахса куолас киирдэ.
Арассыыйаҕа Уһуйааччы (Педагог и наставник) сылынан норуот бириэмийэтэ саҥа куонкуруһу саҕалыыр – “Уһуйааччы-педагог” (“Педагог-наставник”) номинацияҕа сайаапканы ыларын биллэрэр. Манна кыттар инниттэн бу сыл олунньу 10 күнүгэр диэри (бу күнү киллэрэн туран) gordost-yakutii@mail.ru электроннай почтаҕа хандьыдаат туһунан иһитиннэриилээх сайаапкаларгытын ыытаргыт ирдэнэр.
“Уһуйааччы-педагог” номинацияҕа оскуолаҕа, орто анал үөрэххэ, эбии үөрэхтээһин тэрилтэтигэр эдэрдэри уһуйууга үлэлэһэр педагогтар кытталлар. Сайаапкаларгытын олунньу 10 күнүгэр диэри gordost-yakutii@mail.ru аадырыска ылабыт. Сайаапкаҕа хандьыдаат хаартыскаларын (туруору (верикального положения), үчүгэй хаачыстыбалаах, 500х760 рх, 3 устуукаҕа диэри) ыытаргыт булугуччулаах. Сайаапкалары хандьыдаатар бэйэлэрэ, ону тэҥэ, бэрэстэбиитэллэрэ ыытыахтарын сөп.
Быһаарыы: бириэмийэҕэ кыттааччылар куоластааһын саҕаламмытын кэннэ кандидатураларын устуналлара табыллыбат. Куоластааһын олунньу 13 күнүттэн саҕаланар уонна golos.ysia.ru саайтка икки түһүмэҕинэн барар: сүүмэрдиир түһүмэх олунньу 13-17 күннэригэр, түмүктүүр түһүмэх (финал) олунньу 20-24 күннэригэр. Сиһилии “Саха сирин киэн туттуута” (“Гордость Якутии”) бырайыак страницатыттан билсиҥ. Эбэтэр ыйытыыларгытын бириэмийэ кураторыгар Александра Смольскаяҕа ыытыҥ.
Электроннай аадырыһа: gordost—yakutii@mail.ru
Аадырыһа: Дьокуускай к., Орджоникидзе уул., 31-с нүөмэрдээх дьиэтэ, 325 хос.
Бириэмийэни тэрийээччи «Сахамедиа» холдинг, манна «Якутия» уонна «Саха сирэ» хаһыаттар, Саха иһитиннэрэр ааҕыныстыбата (ЯСИА), edersaas.ru, Yakutia-daily.ru, sakha-sire.ru саайтар киирэллэр. Бириэмийэ официальнай спонсора — “Киэргэ” ювелирнай фирма. Номинация бииргэ үлэлэһэр тэрилтэтэ — СӨ Үөрэҕин уонна билимин министиэристибэтэ.
Хоту көһөрүллүү күнүн бэлиэтиир тэрээһиннэр чэрчилэринэн, Чурапчыга “Айылгы” НАДь фойетыгар Саха сиригэр соҕотох баталист-худуоһунньук Иван…
СӨ Быыһыыр сулууспата иһитиннэрбитинэн, балаҕан ыйын 17 күнүгэр 21.15 ч. Дьокуускай куоракка Сайсары күөлгэ 2000…
Амма сэлиэнньэтигэр Мир уулуссаҕа таба киирэн олохтоохтору соһутта. Туһааннаах видео бу күннэргэ социальнай ситиминэн тарҕанна.
"Путь воина" байыаннай-тактическай күрэхтэһиигэ бэҕэһээ Волгоградскай уобалас «Сталинград» уонна Тюменьскай уобалас «Соболь» хамаандалара күөн көрүстүлэр.…
«Чолбон» сурунаал балаҕан ыйынааҕы нүөмэригэр: - «Улуу Кыайыы айымньыларыгар» норуот суруйааччыта Николай Лугинов номоххо киирбит…
ИДьМ Тааттатааҕы салаатын дьуһуурунай чааһыгар, 83 саастаах аҕам саастаах киһиэхэ кимэ биллибэт киһи саба түспүтүн…