Хаартыска: СИА
Саха сирин уопута креативнай индустрия сайдарыгар дойду үрдүнэн холобур буолар.
Саха сирэ ИТ, киинэни, музыканы, муоданы уонна анимацияны күүскэ сайыннарар. Бу туһунан Бырабыыталыстыба отчуотун түмүгэр Бырабыыталыстыба бэрэссэдээтэлин солбуйааччы Анатолий Семенов иһитиннэрдэ.
«Былырыын Арассыыйа Бэрэсидьиэнэ Владимир Путин Саха сиригэр кэлэ сылдьыбытыгар, өрөспүүбүлүкэ кинематографияҕа, анимацияҕа, оонньууларга уонна ИТ-салааларга ситиһиилэрин көрдөрбүппүт. Пилота суох көтөр аппарааты оҥорон таһаарыыга ситиһиилэрин эмиэ кэпсээбиппит. Бэрэсидьиэн өрөспүүбүлүкэ кылаатын үрдүктүк сыаналаабыта уонна Саха сирин бүтүн дойдуга ситиһиилээхтик үлэлиир уопутун киэҥник тарҕатарга сорудахтаабыта», — диэн Анатолий Семенов бэлиэтээтэ.
Креативнай индустрияны сайыннарыы түмүгэр эрэгийиэннээҕи стандартара оҥоһулуннулар — бу Саха сирин уопутун көрдөрөр уонна бары хайысхатын хабар. Билигин бу стандарт Арассыыйа үрдүнэн туһаныллар.
«Үлэ миэстэтин тэрийэр — сүрүн сорук. Билигин креативнай индустрия салааларыгар 48 киһи үлэлиир. 2030 сылга 70 саҥа үлэ миэстэтин таһаарарга сыал туруорбуппут», — диэн Анатолий Семенов бэлиэтээтэ.
Саха Өрөспүүбүлүкэтин суут бириистэптэрин сулууспатын управлениетыгар икки сааһын ситэ илик оҕотун иитиитигэр алименнары төлөөбөтөх дьахтар…
Кэнники кэмҥэ дьон куораттан, улуустар кииннэриттэн тыа сиригэр көһөн тахсар буолла. Кинилэр үгүстэрэ маннык быһаарыныыны…
Субуота — Сатурн планета салайар күнэ. Онон бу күн ыксааһыны сөбүлээбэт. Бүгүн саҕаламмыт дьыала уһун…
Ахсынньы 19 күнүгэр сарсыарда Аллараа Бэстээх уонна Төҥүлү икки ардынааҕы суолга дьон өлүүлээх суол быһылаана…
Бүгүн, ахсынньы 20 күнүгэр, Дьокуускай куорат оскуолаларын үөрэнээччилэригэр актированнай күн биллэрилиннэ. Бу туһунан Дьокуускай куорат…
Саха сирин синоптиктарын сабаҕалааһыннарынан бүгүн, ахсынньы 20 күнүгэр хоту хаардыыр, Арктика кытылынан уонна Халымаҕа хаар…