Хаартыска: Мария Васильева, ЯСИА
Сири-уоту биир кэлимник сайыннарыы (СКС) Саха сирин куораттарыгар олох хаачыстыбатын тупсарар, ол иһигэр саахалланар дьиэттэн көһөрүү биир сүрүн ньыманан буолар. Бу мэхэньииһим кыахтарын Дьокуускайга эрэ буолбакка, атын куораттарга, ол иһигэр Ленскэйгэ, Алдаҥҥа, Нерюнгрига уонна Мииринэйгэ кэҥэтэн туһаныахтара. Маннык соругу СӨ Айсен Николаев 2026 сылга тутуу салаатын сайыннарыы былааннарыгар анаммыт мунньахха иһитиннэрдэ.
Бүгүҥҥү туругунан Саха сиригэр СКС 17 бырайыага олоххо киирэр. Олорор дьиэ тутуутун уопсай куораты тутар кыаҕа 1 200,35 тыһ. кв. м тэҥнэһэр. Бу бырайыактары олоххо киллэриигэ 138,79 тыһ. кв. м иэннээх 290 саахаланнар туруктаах элбэх кыбартыыралаах дьиэни көһөрүү уонна көтүрүү былааннанар. Комплекснай сайыннарыыга киирэр сирдэр-уоттар уопсай иэннэрэ — 157,12 га. Өрөспүүбүлүкэ салайааччыта куораты тутар кыах эмиэ күүһүрдүллэригэр наадыйарын бэлиэтээтэ. Кини 2023 сылтан эрэгийиэҥҥэ тутууга көҥүлү биэрии кээмэйэ аччыырын болҕомтоҕо ылла. Өрөспүүбүлүкэ тутуутун миниистирэ Виктор Романов иһитиннэрбитинэн, былырыын Дьокуускай куоракка элбэх кыбартыыралаах дьиэлэри тутарга 2024 сыллааҕар 5 төгүл кэриҥэ аҕыйах көҥүл бэриллибит.
«Бу инфраструктура хомууругар сыһыаннаах нуормалыыр-быраап аахта ылыллыбытынан сибээстээх этэ. Ол иһин быйылгы сылга балаһыанньаны көннөрөр туһугар 300 тыһыынча квадратнай миэтэрэттэн итэҕэһэ суох иэннээх тутууга көҥүлү биэриэххэ наада», – диэтэ миниистир. Ону таһынан, Саха сирин баһылыга Айсен Николаев тутуу былаһааккаларын көхтөөхтүк бэлэмнииргэ уонна экэниэмикэни сайыннарыыга, каадырдары тардыыга сыһыаннаах саҥа бырайыактар баар буолалларын туһугар көҥүллүүр үлэлэри түргэтэтэргэ сорудахтаата. Кини 2025 сыл түмүгүнэн Саха сирин тутааччылара үрдүк ситиһиилэммиттэрин бэлиэтээтэ.
«Саҥа рекорд олохтонно: 809,3 тыһ. кв. м олорор дьиэ үлэҕэ киирдэ, оттон олорор уонна олорбот эбийиэктэри үлэҕэ киллэрии уопсай кээмэйэ 1 мөл. кв. м куоһарда. Бу – тутааччылар уонна бары таһымнаах былаас уорганнарын түмсүүлээх үлэлэрин түмүгэ. Ол эрээри рекордтар – тохтуур төрүөт буолбатахтар. Салаа бигэ сайдыытын салгыы хааччыйыахха наада», – диэн ыйда кини.
Саха төрүт аһын харыстааһын уонна сайыннарыы боппуруоһа билигин өрөспүүбүлүкэҕэ күүскэ дьүүллэһиллэр. Маннык үлэни СӨ Баһылыгын…
Бүлүү бөлөх улуустарыгар уотунан сылыттынан олорор олохтоохтор тус счеттарыгар, төлүүллэрин саҕана, икки бүк үрдүк сыана…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Биэрэккэ" кэпсээнин истиҥ.
СӨ Бырабыыталыстыбатын Бэрэссэдээтэлин солбуйааччы Ольга Балабкина салайааччылаах бырабыыталыстыба бөлөҕө бөлөхтөргө арахсан, олунньу 5-6 күннэригэр Горнай…
…Киин куорат олохтооҕо Ньургун, син эмиэ сорох эдэр дьон курдук, туох да кыһалҕата суох пицца…
Киин куоракка «Триумф» успуорт уораҕайыгар тыҥааһыннаах киирсиилэр саҕаланнылар. Хапсаҕайдаһан тустууга норуоттар икки ардыларынааҕы күрэхтэһии көбүөрүгэр…