Хаартыска: sakha.gov.ru
«Азия оҕолоро» норуоттар икки ардыларынааҕы успуорт оонньууларыгар кураш тустууга Саха сирин сүүмэрдэммит хамаандатын састаабыгар 14-15 саастаах 13 спортсмен, ол иһигэр 6 кыыс уонна 7 уол киирэллэр.
Спортсменнар ортолоругар Дьокуускай куорат, ону тэҥэ Хаҥалас улууһун бэрэстэбиитэллэрэ бааллар. «Хамаандаҕа успуорт маастарыгар хандьыдаат аатын ылбыт спортсменнар, ону тэҥэ Уһук Илин федеральнай уокурук уонна Бүтүн Арассыыйатааҕы күрэхтэһиилэр кыайыылаахтара уонна призердара бааллар. Спортсменнар успуорт оскуолаларынан бэйэлэрин тириэньэрдэрин кытта, ону таһынан хамаанданан эрчиллэллэр. Соторутааҕыта хамаанда Иркутскай уонна Алма-Аты куораттарынан эрчиллии ааспыта, билигин Монголияҕа эрчиллэр тэрээһиннэргэ сылдьар», — диэн кэпсээтэ Эльджан Мустафаев. Тириэньэр күрэхтэһиилэргэ хамаанда хас биирдии ыйааһыҥҥа элбэх мэтээли ыларыгар эрэнэр.
«Мин 9 сааспыттан кураш тустуунан дьарыктанабын. Саха сирин сүүмэрдэммит хамаандатын састаабыгар киирбиппиттэн олус үөрэбин. Хамаандаҕа мэтээлгэ тиксиэм диэн эрэнэбин. Доҕотторбор элбэх кыайыыны, мэтээллэри баҕарабын», — диэн санаатын үллэһиннэ Вероника Нестерова.
«Кураш тустуунан 6 сааспыттан дьарыктанабын. Сүүмэрдиир күрэхтэһиилэргэ ситиһиилээхтик кыттаммын Саха сирин сүүмэрдэммит хамаанда састаабыгар киирдим. Бу күрэхтэһиигэ кыттарбар көмөлөспүт тириэньэрбэр улахан махталбын тиэрдэбин. Күрэхтэһиигэ чаҕылхай киирсиини көрдөрөргө дьулуһуом. Доҕотторбор ситиһиилэри баҕарабын»,- диэтэ Магомет-Али Кумуков.
Кураш тустууга күрэхтэһии Дьокуускай куорат «Эллэй Боотур» дыбарыаһын баазатыгар ыытыллыаҕа.
«Азия оҕолоро» норуоттар икки ардыларынааҕы успуорт оонньуулара бу сыл бэс ыйын 25 күнүттэн от ыйын 7- гэр диэри Дьокуускай куоракка ыытыллыахтара.
Арассыыйа Бэрэсидьиэнэ Владимир Путин «Азия оҕолоро» ооньуулар оҕо-ыччат успуордун эйгэтигэр биир саамай интэриэһинэй уонна ситиһиилээх бырайыагынан ааттаабыта. Ил Дархан Айсен Николаев «Азия оҕолоро» норуоттар икки ардыларынааҕы успуорт оонньууларыгар бу сылга аан дойду үрдүнэн оҕолорго биир саамай улахан күрэхтэһиилэр буолуохтарын уонна саамай үрдүк таһымҥа ыытыллалларын бэлиэтиир.
2026 сылга Аҕа дойдуну көмүскээччилэр күннэрэ бэнидиэнньиккэ түбэһэр. Ол аата, Арассыыйа олохтоохторун үс өрөбүл күн…
Олунньуттан Социальнай пуонда бэтэрээннэргэ, инбэлииттэргэ, о.д.а. чэпчэтиилээх категориялаах дьоҥҥо биэнсийэлэрин үрдэтиэҕэ. Барыта 40-тан тахса босуобуйалар,…
Бүгүн Саха Өрөспүүбүлүкэтин Бырабыыталыстыбатын Бэрэссэдээтэлэ Кирилл Бычков Саха Өрөспүүбүлүкэтин ИДьМ кэллиэгийэтин мунньаҕар кытынна. Мунньахха ааспыт…
Үөрэх үлэһиттэрин тохсунньутааҕы мунньаҕын чэрчитинэн Уус Алдан улууһун В.В. Алексеев аатынан Мүрүтээҕи “Уолан” гимназия уонна…
Бүгүн, тохсунньу 28 күнүгэр, Орел куоракка оҕунан ытыыга Арассыыйа Куубага саҕаланар. Бу -- сыл сүрүн…
Бүгүн, тохсунньу 28 күнүгэр, Ил Дархан Айсен Николаев 2026 сыл бастакы ыйын түмүктэрин таһаарыаҕа. Трансляция…