Саха сирин күөллэрэ дойду саамай ураты уонна сэдэх ааттардаах испииһэгэр киирдилэр

Росреестр дойдуга саамай дьикти ааттардаах уу эбийиэктэрин рейтинин оҥордо уонна испииһэккэ Саха сириттэн үс күөлү киллэрдэ.

Өрөспүүбүлүкэ каартатыгар билигин Краденое, Компакт уонна Яйцо диэн ааттаах күөллэр официальнайдык бэлиэтэммиттэр. Ол эрээри, Арассыыйаҕа күүтүллүбэтэх өттүттэн сэдэх ааттардаах уулаах сирдэр элбэхтэр. Холобур, Алтай кыраайыгар Гнилое, Душное, Жирное, Сопляково, Тупица  уонна Тухлое диэн күөллэри, ону таһынан Ад уонна Шелудивое диэн күөллэри көрсүөххэ сөп. Амур уобалаһыгар Бешеное, Лохматое, Могила уонна Штаны диэн күөллэр, оттон Архангельскай уобаласка — Туфля, Ябедник уонна Шляпа диэн күөллэр бааллар. Дойду киин өттүгэр эмиэ онтон итэҕэһэ суох дьикти ааттаах күөллэр:  Волгоград уобалаһыгар – Вонючее уонна Тюрьма күөллэр, Курскайга – Могильное уонна Сладкое күөл, Пензенскэйгэ – Винное күөл. Уһук Илиҥҥэ Приморье уонна Пермь кыраайдарыгар Нога, Усатое, Ходячее  диэн күөллэр уонна Вежливое, Чертово, Сухая Яма диэн күөллэр регистрацияламмыттар.

Росреестр исписэлиистэрэ бэлиэтииллэринэн, маннык дьикти топонимнар норуот нэһилиэстибэтинэн буолаллар. Элбэх ааттар уонунан сыллар анараа өттүгэр үөскээбиттэр. Арассыыйа саамай дьикти уулаах сирдэрэ: Ад, Тюрьма, Тупица, Душное, Компакт, Краденое, Яйцо.