Хаартыска:СИА
Дьокуускай, Чурапчы, Өймөкөөн уонна Муома улуустарын хомуур хамаандалара Саха сирин кыһыҥҥы көрүҥнэригэр V спартакиадаҕа ордук күүстэхтэринэн билиннилэр.
Алдаҥҥа уонна Нерюнгрига ыытыллыбыт улахан күрэхтэһиилэргэ 600-чэ спортсмен кыттыылаах 28 хамаанда кытыннылар.
«Спартакиада успуорт уонна доҕордоһуу дьиҥнээх бырааһынньыгынан буолла. Кыттааччылар бары тэрилтэлэр таһымнарынан уонна күрэхтэһии усулуобуйатынан астыннылар. Успуорт кыһыҥҥы көрүҥнэрэ саха успуордун устуоруйатыгар саҥа страницалары арыйалларынан олус астынабын», — диэн Ил Дархан Айсен Николаев бэлиэтээтэ.
Хамаандалар оройуоннар нэһилиэнньэтин ахсаанынан түөрт бөлөххө араарыллан кииристилэр. Ол иһигэр Хотугу сир уонна Арктика улуустарыгар анаан туспа рейтинг оҥоһулунна. Уон успуорт көрүҥүн түмүгүнэн түмүгү түөрт бөлөҕүнэн таһаардылар.
Бастакы бөлөххө спартакиада чөмпүйүөнэ Дьокуускай куорат хамаандата буолла. Нерюнгри улууһа биир эрэ очконан хаалан иккис миэстэҕэ таҕыста. Үһүс миэстэ Алдан улууһа ылла.
Иккис бөлөххө Чурапчы улууһа бастаата. Нам улууһа иккис миэстэҕэ тигистэ, оттон үһүс миэстэни Горнай улууһа ылла.
Хотугу оройуоннар ортолоругар Өймөкөөн улууһа бастаата, Үөһээ Дьааҥы оройуона иккис, онтон Орто Халыма оройуона үһүс буоллулар.
Арктика оройуоннарын бөлөхтөрүгэр бастыҥ миэстэни Муома улууһун спортсменнара ситистилэр. Аллайыаха улууһа иккис, Анаабыр үһүс миэстэҕэ тигистилэр.
Саҥа сыл бастакы нэдиэлэтигэр сулустар чугас дьоҥҥутугар болҕомтолоох буоларгытыгар сүбэлииллэр. Хой Саҥа сылы саҥа бырайыактарынан…
Саха сирин синоптиктара билгэлииллэринэн, бүгүн, тохсунньу 2 күнүгэр, Саха сирин үгүс улуустарыгар кыратык хаардыа, Өлүөнэ…
Ахсынньыга үөрэх үлэһиттэрин саамай улахан күөн күрэһэ — Бүтүн Арассыыйатааҕы “Сыл учуутала‑2025” күөн күрэс өрөспүүбүлүкэтээҕи…
2026 сыл зодиак бары бэлиэлэригэр уларытыыны, бэлэҕи бэлэмнээн турар. Сорохтору дьылҕаларын быһаарар көрсүһүү, үлэҕэ үрдээһин…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Людмила Попова "Оҕо кута" кэпсээнин…
2026 сыл хайдах буолуоҕун Саха сиригэр киэҥник биллибит экстрасенс Алексей Иванович Божедонов‑Сырдык хаһыаппыт ааҕааччыларын кытары…