Сэтинньи 6 күнүгэр Саха сирин уонна Амурскай уобалас кыраныыссаларыгар норуот күүһүнэн тутуллубут стела турда. Сиэри-туому тутуһан, уохтаах кымыһынан, арыылаах алаадьынан айах тутан, алҕаан арыйдылар. Бу Саха сирин уратытын көрдөрөр дьоһун тутуу буолла.
Саха АССР 100 сылыгар тутуллубут стеланы туруоруу туһунан идиэйэ биир сыллааҕыта киирбитэ. Манна “Саха дьоһун уолаттара” уопсастыбаннай түмсүү, өрөспүүбүлүкэ олохтоохторо, уопсастыбанньыктар, урбаанньыттар үп-харчы хомуйан, кыттыспыттара.
Манна диэн эттэххэ, бырайыагы СӨ тырааныспарга министиэристибэтэ, тас сибээскэ министиэристибэ, Нерюнгри оройуонун дьаһалтата, “Лена” суол тэрилтэтэ өйөөбүттэрэ.
Чахчыта, бу иннинээҕи сурук эргэрбитин аанньа, көстүүтэ суох этэ. Атын эрэгийиэннэртэн кэлбит дьон, бастатан туран, хас улуус, сэлиэнньэ аайы киирэр суолга сир-дойду уратытын кэпсиир стела турарын сэргииллэр. Оттон бүтүн өрөспүүбүлүкэ кыраныыссатыгар маннык сууллан эрэр сурук турбута, чахчы, кыбыстыылаах этэ.
Оттон бу бырайыагы дьон-сэргэ, уопсастыбанньыктар көҕүлээбиттэрэ хайҕаллаах. Мантан ыла Саха сиригэр киириигэ дьоһун стела уоттанан-күөстэнэн, ыраахтан сандааран-күндээрэн, кэлбит дьону уруйдуу көрсүөҕэ. Стела бөҕө-таҕа атахха турда, өрөспүүбүлүкэ каартата, көмөлөспүт дьон испииһэктэрэ, о.д.а. баар.
Бүгүн, ыам ыйын 9 күнүгэр, Дьокуускайга сылын аайы ыытыллар Кыайыы Оһуокайа үрдүк таһымнаахтык буолла. Быйыл…
Саха сиригэр Мэҥэ Хаҥаласка уонна Өлүөхүмэ оройуоннарыгар сүппүт эр дьону көрдүүллэр. Ааспыт сууккаҕа атын оройуоннарга…
Арассыыйа Дьоруойа Андрей Григорьев Москваҕа Кыайыы параадыгар кытынна. Кини ыҥырыылаах ыалдьыт быһыытынан олорорун "Бастакы" ханаалга…
Ыам ыйын 5 күнүгэр, Пушкин аатынан киин библитиэкэҕэ Үөһээ Бүлүү Балаҕаннааҕыттан төрүттээх, билигин Нам Түбэтигэр…
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…