Хаартыска: Физическэй култуура уонна маассабай успуорт управлениетын ТГ-ханаала
Саха сирин хамаандата дрон күрэҕэр Уһук Илин уокуру күрэхтэһиитигэр уонна чөмпүйэнээтигэр ситиһиилээхтик кыттан, 40 баар мэтээлтэн 25-һин ылан, уопсай киирсиигэ бастакы миэстэни ылла.
Күрэхтэһии Дьокуускайга «Дохсун» успуорт комплекска буолла уонна Уһук Илин федеральнай уокуругун араас эрэгийиэннэриттэн 30 кыттааччыны түмтэ. Олортон 16-та – Саха сириттэн. Бу туһунан Физическэй култуура уонна маассабай успуорт управлениетын ТГ-ханаала иһитиннэрэр.
Ону таһынан, тэрээһиҥҥэ Амур уобалаһыттан, Сахалинтан уонна Бурятияттан 14 күрэсчит кэлбит. Кыттааччылар саастара 13-тэн 44-кэ диэри этэ. Күрэхтэһии үс кылаастаах дроннарынан ыытылынна: 75 мм, 200 мм уонна 330 мм.
Саха сирин күрэсчиттэрэ 7 кыһыл көмүс, 8 үрүҥ көмүс уонна 10 боруонса мэтээли ыллылар (улахан дьон – 4, 3, 5, оттон юниордар – 3, 5, 5). Амур күрэсчиттэрэ – 7 кыһыл көмүс уонна 4 үрүҥ көмүс мэтээллээхтэр. Сахалиннар – 2 үрүҥ көмүс уонна 1 боруонса наҕараадалаахтар, оттон Бурятия бэрэстэбиитэллэрэ – 1 үрүҥ көмүс уонна 2 боруонса мэтээллээхтэр.
Саха сирин сүүмэрдэммит хамаандата бары хамаанданан күрэхтэргэ кыайда. Хамаанда ситиһиитэ күрэхтэһии иннинэ биир нэдиэлэ устата «Дохсун» успуорт комплекска күүһүрдүллүбүт эрчиллиилэри ааспытынан сибээстээх. Дрон күрэҕин «Формула-1» күрэҕи кытта тэҥнииллэр – манна кыра да дэтээл суолталаах: дрон тэхиниичэскэй көрдөрүүлэриттэн саҕалаан, пилот маастарыстыбатыгар уонна тактикатыгар тиийэ. Хас биирдии мэтээл кэннигэр инженердэр, тириэньэрдэр уонна күрэсчиттэр бэйэлэрин түмсүүлээх үлэлэрэ турар. Саха сиринээҕи Дрон күрэҕин федерациятын (ПАС – пилота суох авиационнай систиэмэлэр) бэрэссэдээтэлэ, «Якутия» технопарк ПАС лабораториятын салайааччыта Андрей Андреев кэпсээбитинэн, маннык көрүҥнээх күрэхтэһии аан бастаан ыытылынна, онон кыһыл көмүһү ылбыттар бары Уһук Илин уокурук бастакы чөмпүйүөннэрин быһыытынан устуоруйаҕа киирдилэр.
Федерация федеральнай регламент ирдэбилигэр эппиэттиир саҥа күрэх дроннарын атыыласпыт. Атырдьах ыйын 3 күнүгэр «Техническэй симулятор» диссипилиинэҕэ онлайн-күрэхтэһии буолуоҕа, онно өссө аҕыс кэмпилиэк мэтээл оонньонуоҕа. Бу күрэхтэһиилэр түмүктэринэн Арассыыйа чөмпүйэнээтигэр уонна бастыыр иһин күрэххэ кыттар Уһук Илин уокурук сүүмэрдэммит хамаандалара таҥыллыахтара.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…