Саха сирин кытыы сытар сэлиэнньэлэригэр түргэн интэриниэт киириэҕэ

РФ Бырабыыталыстыбата Саха сирин сибээһин сайыннарыыга биир суолталаах быһаарыныыны ылла. Дойду  Бырабыыталыстыбатын  дьаһалынан   судаарыстыбаннай резервэ суотугар оптоволокно сибээһин  нэһилиэнньэлээх пууннарга киллэриигэ испииһэк оҥоһулунна.

Бу туһунан бүгүн Ил Дархан Айсен Николаев телеграмҥа ханаалыгар суруйда.

-Туһааннаах испииһэккэ өрөспүүбүлүкэ 15 оройуонун 61 нэһилиэнньэлээх пууна киирдэ.  Ол аата бу кытыы, ыраах сытар сэлиэнньэлэргэ түргэн интэриниэт уонна эрэллээх сибээс киириэҕэ.  Үөрэххэ, үлэҕэ, биисинэскэ, кэпсэтиигэ саҥа кыахтар үөскүөхтэрэ. Бу «Синергия Арктики» кыттыгас бырайыакпытын олоххо киллэрии буолар, — диэн  бэлиэтээтэ.