Саха сирин кыыһа — Азия континенын кэрэ куота
![](https://sakha-sire.ru/wp-content/uploads/2024/05/14-2-1060x596.jpg)
Уһук Илиннээҕи федеральнай университекка «Мисс Азия ДВФУ» норуоттар икки ардыларынааҕы национальный куонкурус түмүктэннэ.
«Мисс Азия ДВФУ» кыайыылаах аатын Саха сириттэн Селина Куличкина ылла. Оттон Азия бастакы уонна иккис вице-мисс ааттарын Приморскай кыраай уонна Саха сирин устудьуоннара сүктүлэр.
Бырайыак финальнай түһүмэҕэр кыргыттар ыйы быһа бэлэмнэммиттэр: репетициялаабыттар, -фото -видео устууларга кыттыбыттар, көстүүмнэрин тиктэрбиттэр, өй тургутуутун ааспыттар. Бу барыта Азия континенын саамай уһулуччулаах, спортивнай, эрчимнээх уонна талааннаах эдэр бэрэстэбиитэлэ аатын туһугар турууластылар.
![](https://sakha-sire.ru/wp-content/uploads/2024/05/05.jpg)
![](https://sakha-sire.ru/wp-content/uploads/2024/05/04.jpg)
![](https://sakha-sire.ru/wp-content/uploads/2024/05/01.jpg)
![](https://sakha-sire.ru/wp-content/uploads/2024/05/06.jpg)
![](https://sakha-sire.ru/wp-content/uploads/2024/05/03.jpg)
![](https://sakha-sire.ru/wp-content/uploads/2024/05/02.jpg)
«Мисс Азия ДВФУ-2023» куонкурус биһиги университеппыт иһигэр араас нациялары уонна култууралары холбуур кэрэ уонна талаан бырааһынньыга буолар. Финалисткалар бу сылга эмиэ грация, талаан уонна кэрэ буолуу дьүөрэлэһиэн сөптөөҕүн бэйэлэринэн дакаастаатылар, итиэннэ хас биирдиилэрэ ханнык баҕарар уобаласка улахан ситиһиилэниэхтэрин сөп — атыттары эмиэ көҕүлүүр кыахтаахтар», — диэтэ ДВФУ ыччат бэлиитикэтигэр проректора Александр Кайданович.
Финал түмүгүнэн титуллар маннык түҥэтилиннилэр:
«Мисс Азия ДВФУ — 2024» — Селина Куличкина (Саха сирэ);
«I вице-мисс Азии — 2024» — Алина Лигай (Приморскай кыраай);
«II вице-мисс Азии — 2024» — Марина Васильева (Саха сирэ);
«Мисс Грация — 2024» — Ульяна Жигмитова (Иркутскай уобалас);
«Мисс Национальный колорит — 2024» — Намжилма Жабуева (Бурятия);
«Мисс Харизма — 2024» — Ксения Нгуен (Вьетнам);
«Мисс Зрительских симпатий — 2024» — Аяна Будаева (Бурятия);
«Мисс Талант — 2024» — Анастасия Протопопова (Саха сирэ);
«Мисс Азия.RU — 2024» — Елизавета Сафронова (Бурятия).
«Мисс Дружба — 2024» — Алина Лигай (Приморскай кыраай);
«Мисс Эрудиция — 2024» — Марина Васильева (Саха сирэ);
«Мисс Фитнес — 2024» — Селина Куличкина (Саха сирэ).
![](https://sakha-sire.ru/wp-content/uploads/2024/05/14-2-e1716787228459.jpg)
![](https://sakha-sire.ru/wp-content/uploads/2024/05/13-2.jpg)
![](https://sakha-sire.ru/wp-content/uploads/2024/05/15-2.jpg)
![](https://sakha-sire.ru/wp-content/uploads/2024/05/16-2.jpg)
![](https://sakha-sire.ru/wp-content/uploads/2024/05/07.jpg)
![](https://sakha-sire.ru/wp-content/uploads/2024/05/12-3.jpg)
![](https://sakha-sire.ru/wp-content/uploads/2024/05/17-1.jpg)
![](https://sakha-sire.ru/wp-content/uploads/2024/05/19-1.jpg)
Санатан эттэххэ, университекка «Мисс Азия ДВФУ» норуоттар икки ардыларынааҕы куонкурус сэттис төгүлүн ыытыллар. Тэрийээччилэринэн Приморскай кыраай «Кэскил» уопсастыбаннай тэрилтэтэ уонна «Элинсэг» ДВФУ иһинэн Бурятиятааҕы устудьуоннар тэрилтэтэ буолаллар.
Сообщить об опечатке
Текст, который будет отправлен нашим редакторам: