Доннааҕы Ростовка РФ Оборуонаҕа министиэристибэтин 1602-с байыаннай килиниичэскэй госпиталын дьиэтэ. Хаартыска sakha.gov.ru ылылынна
Быраастар саҥа бөлөхтөрө Ростовка барбыт. Бу туһунан СӨ Доруобуйа харыстабылын миниистирэ Лена Афанасьева иһитиннэрдэ.
«Биһиги мэдиктэрбит үлэлэрэ Ийэ дойдуга бэриниилээх буолуу холобурун көрдөрөр. Саха сирин быраастара Арассыыйа хас да байыаннай госпиталларын кытта ыкса сибээһи олохтоотулар уонна байыаннай быраастары кытары тэҥҥэ бааһырбыт байыастарга көмөлөстүлэр. Быраастар бөлөхтөрө бу хайысханан үлэтэ салҕанар», — диэн этэр Лена Афанасьева.
Дьокуускай куорат 3 №-дээх балыыһатын кылаабынай бырааһа Светлана Давыдова байыаннай эпэрээссийэ саҕаланыаҕыттан, байыаннай госпитальга үлэлии барар быраастар бастакы бөлөхтөрүн салайбыта.
«Командировка кэмигэр биһиги Ростовка байыаннай госпитальга тиийэргэ быһаарыммыппыт. Бастаан онно кэлэллэр, бааһырбыт байыастар. Миэстэтигэр быраастар бааһырбыт байыас туругун, эмтэнэригэр арыаллааһыны, чөлүгэр түһэриини салгыы арыаллааһыны быһаараллар. Төрөөбүт Сахаларын сириттэн быраастар бааллара байыастарга тирэх буолар. Кинилэр бу уустук кэмҥэ дойдуларын өйөбүлүн билэллэр«, — диир Светлана Давыдова.
Саҥа бөлөҕү Муома оройуоннааҕы киин балыыһатын кылаабынай бырааһа Яков Бережнев салайар. Биригээдэҕэ – хирург, анестезиолог-реаниматолог, травматолог, медицинскэй психолог бааллар.
СӨ Ил Дарханын уонна Бырабыыталыстыбатын пресс-сулууспата
Нерюнгри оройуонугар буолуохтаах Олоҥхо ыһыаҕар эрдэттэн тиийээри, от ыйын 2 күнүгэр хайы-үйэ массыыналар субустулар. Хайдах…
Бу күннэргэ социальнай ситимнэринэн Дьокуускай куораттан Аллараа Бэстээххэ паромунан айаннаан иһэр пассажирдар Өлүөнэ өрүскэ сэлээркэ тохтон…
Ааспыт нэдиэлэҕэ ДНӨ уонна Белгород уобалаһын тирэх пууннарын үлэһиттэрэ Саха сирин байыастарыгар 188 аадырыстаах баһыылканы…
Электроннай табахтан, вейптан аккаастаныы "Давай бросать" диэн марафон саҕаланна. Биир санаалаахтар никотинтан тутулуктаах буолууну бохсорго…
"Буойун" киин «ВОИН.КИНО» бырайыагы билиһиннэрдэ. "Буойун" киин бырабылыанньатын бэрэссэдээтэлэ, Госдума дьокутаата, ЛНӨ дьоруойа Виктор Водолацкай…
Бүгүн үс үллэр үөстээх Өлүөнэ эбэ күнүгэр Хаҥалас улууһун олохтоохторо тахсаннар кытылы бөхтөн-сыыстан ыраастаатылар. …