Саха сирин мобильнай хирурдара 600 тахса эпэрээссийэни оҥордулар

Саха сирин хирургическай киинин мобильнай хирург быраастара 600  тахса эпэрээссийэни оҥорбуттар, бу туһунан СӨ Доруобуйа харыстабылын министиэристибэтэ иһитиннэрбитэ.

Ол курдук сүрүннээн эпэрээссийэлэри таас уҥуохтарын эндопротезтааһыҥҥа, мурун көннөрүүтүгэр  оҥоһуллубут. Ону сэргэ хирурдар эндоскопическай ассистенцияҕа, тымыр ыарыыларыгар эмиэ оҥорбуттар. 2-с №-дээх өрөспүүбүлүкэтээҕи балыыһа хирурдара уопсайа 16 оройуоҥҥа   22-тэ сырыттылар. Быраастар бэлиэтииллэринэн, ити оҥоһуллубут эпэрээссийэлэртэн 34-дэ дьон олоҕун быыһыыр суһал эпэрээссийэлэр буолбуттар.

«Мобильный хирургический центр» диэн инновационнай бырайыак биһиги өрөспүүбүлүкэбитигэр 2024 сыллаахха киирбитэ.  Ил Дархан Айсен Николаев дьаһалынан  хирурдар айанныыр сирдэрэ кэҥээн иһэр.

«Хирургическай эпэрээссийэлэри миэстэтигэр оҥорууну улуустар олохтоохторо биһирээтилэр. Бырайыак саҥа национальнай бырайыактар чэрчилэринэн салгыы үлэлиэҕэ», — диэн СӨ доруобуйатын харыстабылын миниистирэ Лена Афанасьева иһитиннэрдэ.

Бу күннэргэ мобильнай хирурдар Ньурба улууһун киин балыыһатын баазатыгар үлэлииллэр. Былааҥҥа Уус Маайа, Муома улуустарыгар, о.д.а арктическай оройуоннарга айанныахтара диэн иһитиннэрдилэр.