Ааптар хаартыскаҕа түһэриитэ
Росстат ааспыт сылга Арассыыйа эрэгийиэннэригэр нэһилиэнньэ дьиҥнээх харчынан дохуотун түмүгүн оҥордо.
Ааспыт сыл бастакы үс кыбаарталыгар уопсай көрдөрүү, ол иннинээҕи сыл ити кэминээҕини кытары тэҥнээтэххэ, хаалан испит, арай төрдүскэ тэҥнэспит. Ол да буоллар, түмүгэр, уопсай көрдөрүү син биир хобдох буолбут – нэһилиэнньэ дохуота 2021 с. тэҥнээтэххэ 1,4 % түспүт. Ол туһунан «Региональная политика» телеграм-ханаал суруйар.
Арай 13 эрэгийиэҥҥэ эрэ нэһилиэнньэ дохуота оннунан хаалбыт, онтон Кабардино-Балкарияҕа дьиҥнээх дохуот, олохтоохтор сөҕүөхтэрин иһин, 5,6 % үрдээбит. Дохуоттара үрдээбиттэр испииһэктэригэр сүрүннээн бөдөҥ бырамыысыланнай эрэгийиэннэр – Челябинскай уонна Тюменскай уобаластар, Ханты-Мансийскай уонна Ямало-Ненецкай АУо, Саха сирэ, Красноярскай кыраай, Татарстан, Ростовскай уонна Волгоградскай уобаластар киирбиттэр. Чукотка уонна Новгородскай уобалас да бастыҥнар кэннилэриттэн иһэллэр, оттон Бурятия эрэ дохуота уларыйбатах.
Уопсай Арассыыйа орто таһымыттан дьиҥнээх дохуоттара түспүт 13 тус-туспа эрэгийиэн бэлиэтэммит. Москва, Белгородскай уонна Тульскай уобаластар киин курдук көрдөрүллүбүттэр.
Экэниэмикэ кириисиһин усулуобуйатыгар нэһилиэнньэ дьиҥнээх дохуота 8,4% Калужскай уобаласка түспүт. Итини таһынан, киин уобаластартан 4% ордук түһүүлээх Костромской уонна Ивановскай уобаластар буолаллар. Онтон Уһук Илин уокуругар кириисис Камчаатка, Магаданскай уобалас (быһа холоон 6-7% түспүт), Еврейскэй АУо уонна Забайкальскай кыраай (4% кэриҥэ) олохтоохторун кыһарыйбыт.
Ингушетия, Пензенскэй уонна Калининградскай уобаластар 6% ордугу сүтэрбиттэр. Сибииргэ икки өрөспүүбүлүкэ – Алтай (7% курдук) уонна Хакасия (4,2%) таҥнары түспүттэр. Соҕуруу икки өрөспүүбүлүкэ Калмыкия уонна Карачаево-Черкесия, ону сэргэ Коми Өрөспүүбүлүкэтэ, Архангельскай уонна Оренбургскай уобаластар 5-5,5% дохуоттарын сүтэрбиттэр.
Онон Арассыыйа уопсай таһымын көрдөххө, 26 эрэгийиэҥҥэ эрэ көрдөрүү үчүгэй. Үгүс түгэҥҥэ ааспыт сылга дьадаҥы эрэгийиэннэр сүүйтэриилээх тахсан, олохтоохторо өссө дьадайдылар, инньэ гынан эрэгийиэннэр уратылаһыыларын өссө күүһүртүлэр, атын өттүнэн, ыарахан балаһыанньаҕа, кыһалҕаҕа тириэртилэр.
М.К.Аммосов аатынан Хотугулуу-Илиҥҥи федеральнай университекка үөрэххэ туттарсыы сүрүн хампаанньата бүттэ. Ааспыт нэдиэлэтээҕи туругунан, барыта 5000-тан…
Аныгы үйэ буолан, кэлиҥҥи кэмҥэ социальнай ситимнэри аны блогер оҕолор “ылан” кэбистилэр. Ол эрэ буолуо…
Бүгүн, балаҕан ыйын 8 күнүгэр, Саха сиригэр 8 чаастан Арассыыйа Өрөгөйүн ырыатынан куоластааһын ыытыллар 176…
Төрөөбүт күҥҥүнэн, Дьокуускай! Дьокуускай -- биһиги өрөспүүбүлүкэбит тэбэр сүрэҕэ, манна устуоруйа уонна аныгы кэм, үгэстэр…
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…