Саха сирин норуоттарын муусукатын уонна фольклорун түмэлигэр Аиза Решетникова аатын иҥэрдилэр

Айсен Николаев Саха сирин норуоттарын муусукатын уонна фольклорун түмэлигэр РФ култууратын үтүөлээх үлэһитэ, өрөспүүбүлүкэ норуотун артыыһа Аиза Решетникова аатын иҥэрэр туһунан Ыйаахха илии баттаата.

“Аиза Петровна көннөрү салайааччы буолбатах, бу түмэли тэрийбит, 30 сыл устата үлэлээбит киһинэн буолар. Кини муусуканы, эпоһы, фольклору үөрэтиигэ дириҥ билиилээх уһулуччу личность этэ. Саха сирин материальнайа суох култууратын ураты нэһилиэстибэтин хараанныыр күүстээх үлэтэ бэйэтэ төрүттээбит тэрилтэтин кытта өрүү ситимнээх буолуоҕа” – диэн култуура уонна духуобунай сайдыы миниистирэ Афанасий Ноев Ыйаах туһунан санаатын үллэстэригэр эттэ.

Аиза Петровна Решетникова (1945–1924) — муусуканы, эпоһы, фольклору үөрэтээччи, пианист, концертмейстер, педагог, устуоруйа билимин хандьыдаата, Арассыыйа уонна Саха сирин култууратын үтүөлээх үлэһитэ, өрөспүүбүлүкэ норуодунай артыыһа, Алексей Елисеевич Кулаковскай аатынан судаарыстыбаннай бириэмийэ лауреата уонна Ирина Архипова пуондатын Кыһыл көмүс мэтээлин хаһаайына, Саха норуотун муусукатын, фольклорун түмэлин төрүттээччи, уһун кэм устата салайбыт киһи. Бу туһунан Ил Дархан уонна Бырабыыталыстыба пресс-сулууспата иһитиннэрэр. Сиһилии манна ааҕыҥ.