Салгыы
До выборов президента РФ
00 дней
:
00 часов
:
00 минут
:
00 секунд
Саха сирин норуоттарын оонньууларын бырайыагын бырагырааматыгар 18 успуорт көрүҥэ киирдэ

Саха сирин норуоттарын оонньууларын бырайыагын бырагырааматыгар 18 успуорт көрүҥэ киирдэ

Ааптар:
06.12.2023, 19:12
Хаартыска: Ил Дархан, бырабыыталыстыба дьаһалтатын пресс-сулууспата
Бөлөххө киир:

IX Саха сирин норуоттарын спортивнай оонньууларын бырайыага оҥоһуллан успуорт федерацияларыгар сөбүлэҥҥэ ыытылынна.

Санатан суруйдахха, Ил Дархан Айсен Николаев сорудаҕынан оонньуулар бүтэһик түһүмэхтэрэ 2027 сылга Ньурбаҕа от ыйын 7-11 күннэригэр буолуохтара.

Киэҥ ыҥырыылаах успуорт тэрээһинигэр бэлэмнэнии боппуруостарын бырабыыталыстыба бэрэссэдээтэлин солбуйааччы Сергей Местников ыыппыт тэрийэр хамыыһыйа мунньаҕар көрдүлэр.

Сүрүн күрэхтэһиилэр 2026-2027 сылларга ыытыллыахтара. Барыллаан оонньуулар бүтэһик түһүмэхтэригэр 6,3 тыһыынча киһи өрөспүүбүлүкэ бары улуустарын кыттыаҕа.

Оонньууларга бэлэмнэнии чэрчитинэн саҥа эбийиэктэр тутуллуохтара, суоллар уонна социальнай суолталаах эбийиэктэр өрөмүөннэниэхтэрэ. Билиҥҥитэ 3000 миэстэлээх стадион акылаата түһэн турар, эбии тутуу матырыйааллара бэлэмнэнэллэр.

Мунньахха Сергей Местников тутуулар бырайыактыыр-симиэтэлиир докумуоннарын сөпкө, кэмигэр оҥорорго соруйда.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
23 февраля
  • -37°C
  • Ощущается: -37°Влажность: 66% Скорость ветра: 1 м/с

Сообщить об опечатке

Текст, который будет отправлен нашим редакторам: