Саха сирин Бырабыыталыстыбатын бэрэссэдээтэлэ Кирилл Бычков Саха сирин нотариальнай балаататын 30 сылынан эҕэрдэлээтэ.
Бырабыыталыстыба дьиэтигэр үөрүүлээх тэрээһин буолла. «Биһиги өрөспүүбүлүкэбитигэр нотариальнай балаата гражданнар бырааптарын уонна сокуоннай интэриэстэрин көмүскээһин тиһигэр, гражданскай оборуона бигэ туруктаах буолуутун хааччыйар биир тутаах салаатынан буолар. Саха сирин нотариустара — дьиҥнээх профессионаллар, кинилэр бэйэлэрин эбээһинэстэрин дириҥ билиилээх-көрүүлээх, уопуттаах, чиэһинэй буоланнар үлэлэрин үтүө суобастаахтык толороллор», – диэн Кирилл Бычков бэлиэтээтэ.
Кини ааспыт үс сыл устатыгар Саха сирин нотариальнай балаатата сайдыытыгар сүҥкэн суолу ааспытын бэлиэтээтэ — чааһынай нотариальнай быраактыкатын олохтооһунтан, аныгы сыыппара технологияларын олоххо киллэриигэ диэри. «Эһиги бастыҥ аныгы технологияларын үлэҕитигэр көхтөөхтүк туһанаҕыт, Саха сирин уопсастыбаннай олоҕор өрүү кыттаҕыт уонна босхо юридическай көмөнү оҥороҕут. Ону кытта ыраах сытар аҕыйах ахсааннаах нэһилиэнньэлээх пууннарынан уонна Арктика улуустарынан нотариустар үлэлэрин өйөөһүҥҥэ көдьүүстээх ыытар үлэҕитин бэлиэтиибин. Эһиги иннигитигэр нотариат үлэтин хаачыстыбатын салгыы үрдэтэр, гражданскай оборуонаны сыыппараҕа тупсарар уонна саҥа сиэрбистэри тэрийэр сүдү соруктар тураллар. Бу соруктары ситиһиилээхтик быһаарарга бары кыһамньыгытын ууруоххут диэн эрэнэбин. Саха сирин уонна бүтүн дойду туһугар сыралаах үлэҕитигэр ситиһиилэри, кытаанах доруобуйаны баҕарабын», — диэтэ Кирилл Бычков.
Санатан эттэххэ, 1993 сыллаахха Российскай Федерация «Нотариат туһунан» федеральнай сокуона ылыллыбыта. Итинтэн ыла судаарыстыбаннай нотариаттан бүддьүөт нотариатыгар көһүү саҕаламмыта. Саха сирэ быраап эйгэтигэр реформаны көхтөөхтүк ыытан, 1993 сыл ыам ыйыгар «Нотариат туһунан» өрөспүүбүлүэтээҕи сокуон олоххо киирбитэ. Бу туһунан СӨ Ил Дарханын уонна Бырабыыталыстыбатын пресс-сулууспата суруйар.
Соторутааҕыта Мэҥэ Хаҥалас улууһугар Төҥүлү нэһилиэгэр “Нөмүгү“ сайылыгар уонтан тахса сыл олохсуйан олорор Николай Баишев-Бойцов…
Быйыл Ньурбатааҕы судаарыстыбаннай көһө сылдьар драматическай тыйаатыр бастакы дириэктэрэ, Саха АССР үтүөлээх артыыһа Александр Алексеевич…
Өймөкөөн улууһугар уһун кэмнээх ардахтартан сорох нэһилиэнньэлээх пууннар ууга барбыттарынан сибээстээн, балаҕан ыйын саҥатыгар Өймөкөөн,…
Бүгүн, балаҕан ыйын 19 күнүгэр, Ил Дархан Айсен Николаев Орто Халыма куоратыгар үлэлээтэ. “Орто Халыма…
Синоптиктар бэлиэтииллэринэн, балаҕан ыйын 20 күнүгэр киин улуустарга -3...-8 кыраадыска диэри тымныйыан сөп. Дьокуускайга түүн …
Дьокуускай куоракка уулуссалар ааттарын, дьиэлэр нүөмэрдэрин бэрэдээктээһин ыытыллар буолбута көстөр. Ол курдук, соторутааҕыта Ленин проспегар…