сахагов
Саха сиригэр 2025 сыллааҕы өрөмүөн бырагырааматын олоххо киллэриигэ бэлэмнэнии салҕанар. «СӨ ОДьКХ» ГУП наадалаах матырыйааллары тиэрдэр. Бу туһунан “Якутия24” теле-ханаалга “Актуальное интервью” бырагыраама эпииригэр «СӨ ОДьКХ» ГУП генеральнай дириэктэрэ Виталий Чикачев иһитиннэрдэ.
Кини өрөмүөн хампаанньатын ыытыыга матырыйаалы таһыы тутаах түһүмэҕинэн буоларын бэлиэтээтэ.
“Үлэ былаан быһыытынан ыытыллар. Ахсынньыга куонкурус ыытыллан, хантараактар түһэрсиллибиттэрэ. Онон билигин кыһыҥҥы суолу баттаһа, Арктика нэһилиэнньэлээх пууннарыгар наадалаах матырыйаал толору тиэрдиллиэхтээх. Бүгүҥҥү туругунан матырыйаал 65 бырыһыана хайыы-үйэ тиэрдилиннэ. Ол иһигэр хочуоллар, носуостар уонна турба бородууксуйата бааллар”, — диэтэ Виталий Чикачев.
Кини Саха сиригэр сыллата 80-ча хочуол саҥардылларын бэлиэтээтэ.
“Быйыл биһиги тэтиммитин аччаппаппыт: сыл ахсын 80-ча хочуолу саҥардабыт. 2025 сылга 130 носуоһу, буруо тахсар тэрилин уларытыы былааннанар, ону тэҥэ 44 килэмиэтир кэриҥэ уһуннаах инженернэй ситимҥэ хапытаалынай өрөмүөн ыытыллыаҕа”, — диэн иһитиннэрдэ «СӨ ОДьКХ» ГУП генеральнай дириэктэрэ.
Маны тэҥэ Эдьигээн сэлиэнньэтигэр “Кыайыы 65 сыла” хочуолунайга түөрт саҥа хочуолу туруоруохтара. Сэлиэнньэҕэ өссө инженернэй ситимнэри уларытыахтара.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Ленскэй оройуонугар муус көхтөөхтүк устарын бэлиэтииллэр. Муус хамсааһынын орто диэн сыаналаатылар, уу таһыма рейкэ кээмэйигэр…
80 сыл анараа өттүгэр, ыам ыйын 9, 10 күннэригэр, “Кыым” хаһыакка тугу суруйбуттарай? Бу суруйуулары…
Бу күннэргэ социальнай ситимнэринэн Өлүөнэ кытылын үрдүгэр, Дьоруойдар аллеяларыгар сэрии кэминээҕи таҥастаах эдэркээн кыргыттар, уолаттар…
Бүгүн, ыам ыйын 9 күнүгэр, Аҕа дойду Улуу сэриитигэр Кыайыы 80 сылынан “Өлбөт үйэлээх полк”…
Москваҕа буолар Улуу Кыайыы 80 сыллаах үбүлүөйдээх параадыгар саха уола кыттарын туһунан үтүө сураҕы бүгүн…
Бүгүн, ыам ыйын 9 күнүгэр, Дьокуускайга Кыайыы болуоссатыгар "Кыайыыны аҕалбыт буойуннар" монумеҥҥа сибэкки дьөрбөтүн ууруу…