Хаартыска: Ил Дархан пресс-киинэ
Саха сирэ шефтэһэр Донецкай Норуодунай Өрөспүүбүлүкэ Докучаевскай куоратыгар үлэлиир хирург-быраастарга офтальмология өрөспүүбүлүкэтээҕи балыыһатын исписэлиистэрэ холбостулар.
Кинилэр эрдэ кэлбит быраастар биригээдэлэрин кытары олохтоохторго уонна байыаннай дьайыы кыттыылаахтарыгар мэдиссиинэ көмөтүн оҥороллор. Ил Дархан Айсен Николаев уонна ДНӨ баһылыга Денис Пушилин кинилэр үлэлэрин үрдүктүк сыаналаатылар. Ил Дархан офтальмология өрөспүүбүлүкэтээҕи балыыһатын салаата Кировскай куоракка эмиэ үлэлии сылдьарын бэлиэтээтэ.
«Донбасс сиригэр-уотугар доруобуйа харыстабыла диэн суоҕун кэриэтэ этэ. Байыаннай дьайыылартан сылтаан дьон өр кэм мэдиссиинэ көмөтө суох олорбута. Онтон Саха сирин офтальмологтарын көмөтүнэн үгүстэр харахтарын эмтэттилэр. Манна дьон Саха сиригэр олус махтанар. Биһиги ДНӨ баһылыга Денис Пушилины кытары көрүстүбүт. Биһиги өрөспүүбүлүкэбитигэр, ол иһигэр офтальмологтарга, анаммыт олус элбэх истиҥ тыллары иһиттим. Докучаевскай балыыһатыгар рентген-кэбиниэти саҥардаллар, манна сэбиэскэй кэмнээҕи тэриллэр турбуттара. Саҥардыы үлэтин кэмигэр аныгы ирдэбиллэргэ эппиэттиир аныгы тэриллэри олордуохтара», – диэтэ Айсен Николаев.
Саха сирин офтальмологтара Кировскай куоракка муус устарга 300-тэн тахса эпэрээссийэни оҥордулар, 350-тэн тахса киһи сүбэ-ама ыларга суруйтарда.
Эмчиттэр биригээдэлэрин салайааччы, офтальмология өрөспүүбүлүкэтээҕи балыыһатын кылаабынай бырааһа Иван Луцкан иһитиннэрбитинэн, Саха сирин хирург-быраастара куорат олохтоохторугар уонна байыаннай сулууспалаахтарга мэдиссиинэ көмөтүн оҥороллорун сэргэ, олохтоох эмчиттэри кытары үөрүйэхтэрин үллэстэллэр.
СӨ Ил Дарханын уонна Бырабыыталыстыбатын пресс-сулууспата
Владимир Путины 2026 сыл балаҕан ыйын 1 күнүгэр Жатай бөһүөлэгэр «Кэлэр кэм туочуката» үөрэх кластерын…
“Саха “НКИК суруналыыһа Олег Колесов Норуоттар сомоҕолоһууларын сылыгар дойду норуоттарын өйүүр миэрэлэр тустарынан ыйытыытыгар хоруйдууругар…
Бүгүн, ахсынньы 19 күнүгэр, Татыйаас Филиппова «Дойду» диэн ааттаах фотопоэзиятын персональнай быыстапка, «Үргэл» арт-галереяҕа аһылынна.…
Түмэл иитэр-үөрэтэр үлэҕэ музейнай педагогика диэн улахан суолталаах эйгэ буолар. Бу, оҕо экспонат көмөтүнэн устуоруйаны…
Саха сиригэр уот тарыыба социальнай тэрилтэлэргэ эмискэ улааппытын, онон саахал тахсар куттала баарын туһунан Саха…
Саха сирин Бырабыыталыстыбатын Бэрэссэдээтэлин солбуйааччы Георгий Степанов Арассыыйа Бэрэсидьиэнэ Владимир Путин пресс-кэмпириэнсийэтин – быһа эпиирин…