Хаартыска:sakha.gov.ru
Дьокуускайдааҕы «Северные звездочки» оҕо уһуйааныгар 2016 сылтан консультационнай киин үлэлиир.
Киин төрөппүттэргэ (сокуоннай саастарын ситэ илик оҕолору кытта) психолого-педагогическай, методическай, диагностическай уонна консультационнай көмөнү оҥорууга, ол иһигэр доруобуйаларынан хааччахтаах оҕо уһуйааныгар сылдьар оҕолору көрүүгэ-истиигэ үлэлиир.
«Үксүн биһиги тэрилтэбитигэр сылдьар төрөппүттэргэ эрэ буолбакка, түөлбэбит олохтоохторугар барыларыгар сүбэ-ама биэрэбит, консультация оҥоробут. Биһиэхэ оҕону олох саҥа усулуобуйатыгар сыһыарыы боппуруостарынан тахсаллар. Оҕо уһуйааныгар оҕо сыыйа-баайа саҥа эрэһиимҥэ киирэригэр бэйэтэ туспа ирдэбиллээх буоллаҕа дии. Сорох оҕолор чэпчэкитик ылыналлар, сорохторо олох уларыйыыларыгар үөрүйэхтэрэ суохтар. Ытаһаллар, уһуйаан бөлөҕөр киирэртэн куттаналлар. Биһиги маннык кыһалҕалары төрөппүттэри кытта бииргэ быһаарабыт»,-диэн кэпсиир педагог-психолог Олимпиада Цыденова.
Консультационнай кииҥҥэ алта исписэлиис үлэлиир уонна хас биирдии үлэһит бэйэтин хайысхатынан оҕолору дьарыктаан, төрөппүттэр долгутар ыйытыыларыгар хоруйдары булалларыгар көмөлөһүөхтэрин сөп.
«Биһиги исписэлиистэрбит олус болҕомтолоохтук истэллэр, барытын быһааран биэрэллэр. Түмүгэр төрөппүттэр кинилэртэн олус астынан тарҕаһаллар», — диэн педагог-психолог бэлиэтиир.
Бу кииҥҥэ оҕо уһуйааныгар сылдьыбат оҕолор төрөппүттэрэ эмиэ сылдьаллар. Кинилэр оҕо уһуйааныгар иитээччилэр ханнык дьарыктары ыыталларын интэриэһиргииллэр, хайдах кинилэргэ сылдьыахха сөбүн туһунан ыйыталаһаллар.
«Северные звездочки» оҕо уһуйаанын аттыгар олорор дьиэ кэргэттэр психолог консультациятыгар суруйтарыахтарын уонна 40-23-19 нүөмэргэ эрийэн билсиэхтэрин сөп.
Санатан эттэххэ, Саха сиригэр барыта 746 оҕо уһуйаана баар, онтон 487-гэр төрөппүттэргэ анаан консультационнай кииннэр аһыллан үлэлииллэр, бу оҕо уһуйааннарын ахсааныттан 65 %-на.
Консультационнай кииннэр «Үөрэхтээһин» национальнай бырайыак чэрчитинэн, «Оҕолоох дьиэ кэргэттэри өйөөһүн» бырайыагынан «Аныгы оскуола» эрэгийиэннээҕи бырагырааманан олоххо киллэриллэр.
Саха Өрөспүүбүлүкэтин уонна Бырабыыталыстыбатын пресс-сулууспата
Алдаҥҥа кыбартыыраҕа баһаарга 51 саастаах дьахтар суорума суолланна, 62 саастаах эр киһи эмсэҕэлээтэ диэн СӨ…
Суруналыыстары кытта көрсүһүүтүгэр Евгений Григорьев мээр дуоһунаһыгар салгыы үлэлиир былааннааҕын туһунан иһитиннэрдэ. Ол эбэтэр быыбарга…
Аҕыйах сылтан бэттэх саҥа дьыллааҕы баата оонньуурдары оҥорор киһи элбээтэ. Баататтан оҥоһуллубут Моруос оҕонньоттору, Хаарчааналары…
Бүгүн, ахсынньы 18 күнүгэр, Дьокуускай куорат оскуолаларын үөрэнээччилэригэр актированнай күн биллэрилиннэ. Бу туһунан Дьокуускай куорат…
ОСАГО (автогражданскай эппиэтинэс булгуччулаах страхованиета) тарыыптарыгар уларытыылары киллэрбиттэрэ. Саҥа полиһы хайдах оҥотторор, туох докумуоннар ирдэнэллэрин…
Бүгүн, ахсынньы 18 күнүгэр, Саха сирин сорох улуустарыгар -20 кыраадыс буолара күүтүллэр диэн УГМС иһитиннэрэр.…