Хаартыска СӨ Баһылыгын уонна Бырабыыталыстыбатын пресс-сулууспатыттан
Дьокуускай куорат 10-с №-дээх оскуолатын үөрэнээччилэрэ карате-киокусинкайга аан дойдутааҕы күрэхтэһиигэ кыттыахтара диэн СӨ Баһылыгын уонна Бырабыыталыстыбатын пресс-сулууспата иһитиннэрэр.
Күрэхтэһии ыам ыйын 11-12 күннэригэр Белоруссияҕа ыытылларын туһунан Дьокуускай куораттааҕы эбии үөрэхтээһин тэрилтэтин педагога, тириэньэр Ирина Корж бу курдук кэпсиир:
«Биһиги оҕолору быйыл тохсунньуга «Киокусинкайы – оскуолаҕа» бырайыак чэрчитинэн, тохсунньуга үлэҕэ киирбит саҥа спортивнай саалаҕа үөрэтэбит. Күрэхтэһиигэ кыттарга бэлэмнэниигэ усулуобуйа барыта баар. Номнуо өрөспүүбүлүкэ иһигэр буолбакка, Уһук Илиҥҥэ эмиэ үчүгэй көрдөрүүлээхпит».
Санатан эттэххэ, Саха сиригэр Уһук Илин «Биир кэлим субсидия» үбүнэн үс успуорт комплекса тутуллубута: Дьокуускай 10-с уонна 20-с №-дээх оскуолаларыгар уонна Алданнааҕы гимназияҕа.
«Киокусинкайы – оскуолаҕа» бырайыак Уһук Илин федеральнай уокурукка РФ бэрэсидьиэнин боломуочуйалаах бэрэстэбиитэлэ – вице-премьер Юрий Трутнев уонна Уһук Илин уонна Арктика сайдыытын миниистирэ Алексей Чекунков өйөбүллэринэн олоххо киирэр.
Бырайыагы көҕүлээччинэн Киокусинкай каратеҕэ аан дойду үс төгүллээх чөмпүйүөнэ Хаид Мантаев буолар.
Таатта улууһугар Ытык Күөлгэ быйыл аҕам саастаахтар хордарын тэриммиттэрэ 20 сылын туолла. Таатта норуодунай тыйаатырыгар…
Бүгүн, ыам ыйын 19 күнүгэр, суһал иһитиннэриинэн 14:00 ч. Өлүөнэ өрүс мууһа Кэбээйи, Нам уонна…
Иннокентий Пухов төрөөбүтэ 120 сылыгар Биллиилээх фольклорист Иннокентий Васильевич Пухов быйыл кулун тутар 12…
Саха сирэ “Дьоҕус уонна орто биисинэс уонна урбаанньыт тус көҕүлээһинин өйөөһүн” национальнай бырайыакка 2019 сылтан…
Сана үйэҕэ эргиэн үлэтигэр саҥа саҕалааһыннар кэрэхсэбиллээхтэр. Урукку кэмҥэ атыы-тутуу, эргиэн эйгэтигэр "Холбос" биир тэрилтэтэ…
«Оҕо аймаҕы үрдүккэ, сырдыкка, төрөөбүт дойдуга бэриниилээх буоларга сирдээбит "Мэлдьи бэлэм буол!" диэн тумус тыллаах…