Хаартыска Нам уонна Таатта улууһун дьаһалталарын пресс-сулууспаларыттан
Бу күннэргэ Москваҕа «Рождественские звезды» норуоттар икки ардыларынааҕы бэстибээл-куонкурус буолан ааста. Бу бэстибээл сыл аайы тохсунньу саҥатыгар саҕаланар уонна араас эрэгийиэннэртэн үс тыһыынча кэриҥэ талааннаах оҕону түмэр.
Оҕолор дойду тэбэр сүрэҕэр бэстибээлгэ кытта таарыйа Кириэмил харыйатыгар, циркэҕэ, «Москвариум» океанография уонна муора биологиятын киинигэр, о.д.а. сылдьаллар. Саха сирин оҕолоро сыл аайы онно эмиэ кытталлар.
Ол курдук Нам улууһун Партизан нэһилиэгин оҕолоро дойду тэбэр сүрэҕэр ыытыллыбыт бэстибээл-күрэххэ кыттан кыайыы өрөгөйүн биллилэр.
Хомус ансаамбылын иитиллээччилэрэ «Рождественские звезды-2024» норуоттар икки ардыларынааҕы күрэххэ саха хомуһун дьүрүһүтэн көрөөччүлэр, дьүүллүүр сүбэ киэҥ сэҥээриитин ыллылар. Өссө биир ситиһиинэн – кыайыылаах оҕолору чыпчаалга сирдээбит салайааччы Вера Николаевна Гаврильева «Педагогическая Ника» үрдүк аат туттарылынна.
Саха сириттэн Таатта улууһуттан «Дьиэрэҥкэй» образцовай үҥкүү бөлөҕө эмиэ «Рождественские звезды-2024» норуоттар икки ардыларынааҕы бэстибээлгэ 1 истиэпэннээх лауреат үрдүк аатын ыллылар.
Бу бөлөҕү Саха Өрөспүүбүлүкэтин култууратын туйгуна Семен Дмитриевич Андросов салайар.
Дьокуускай полициятыгар эр киһи 12 тыһ.солк. суумалаах төлөпүөнүн уордарбытын туһунан иһитиннэрбит диэн СӨ ИДьМ пресс-сулууспата…
Аан дойдуга буола турар быһыы-майгы туһунан Ил Дархан Айсен Николаев телеграм-ханаалыгар санаатын үллэһиннэ: -- Арҕааҥҥы…
Сэтинньи 22 күнүгэр Арассыыйаҕа Психолог күнэ бэлиэтэнэр. Бу күн 1994 сыллаахха Арассыыйатааҕы психологическай уопсастыба бастакы…
Бүгүн Дьокуускай куоракка анал байыаннай дьайыы кыттыылаахтарын уонна кинилэр дьиэ кэргэттэрин чилиэннэрин кытта былаас уорганнара,…
Ленскэй куоракка чааһынай дьиэ умайан, 59 саастаах эр киһи тыына быһынна. Бу туһунан СӨ ЫБММ…
Бүгүн Дьокуускай куоракка анал байыаннай дьайыы кыттыылаахтарын уонна кинилэр дьиэ кэргэттэрин чилиэннэрин кытта былаас уорганнара…