Саха сирин оҕолоро «ВОИН» Киин курсааннарынан ананнылар уонна шевроннарын туттулар

«ВОИН» Киин Саха сиринээҕи филиалыгар «Время юных героев» бастакы симиэнэтин кыттааччыларын Киин курсааннарынан анаһын сиэрэ-туома ыытылынна. Күүтүүлээх шевроннары 180-тан тахса уол уонна кыыс ыллылар. Бу иннинэ саҥа курсааннар үөрүүлээх быһыыга-майгыга андаҕар тылларын аахтылар.

«Кинилэртэн хас биирдиилэрэ бу бочуоттаах ааты чиэстээхтик уонна киэн тутта илдьэ сылдьыаҕа, кыһалҕаҕа түбэспиттэри быыһыаҕа, этин-сиинин, өйүн-санаатын уонна санаатын күүһүн сайыннарыаҕа. Ол гынан баран, саамай сүрүнэ – Арассыыйаҕа бэриниилээх буолуу, кини устуоруйтаны уонна үгэстэрин ытыктааһын, Аҕа дойдуну көмүскээһин», – диэн тэрийээччилэр иһитиннэрэллэр.

Бүгүн, бэс ыйын 20 күнүгэр, курсааннар тактическай уонна инженернэй бэлэмнэниигэ киирэллэр, дрону салайарга үөрэниэхтэрэ, бастакы көмөнү оҥоруу уонна тактическай мэдиссиинэ кууруһун баһылыахтара, байыаннай-спортивнай оонньуулары оонньуохтара, анал байыаннай дьайыы дьоруойдарыныын уонна эрэгийиэҥҥэ биллэр атын дьоннуун көрсүһүөхтэрэ, «ВОИН.Кино» бырайыак чэрчитинэн патриотическай киинэлэри көрүөхтэрэ. Быйыл бастакытын оҕолору снайпинг кууруһа күүтэр. Бу кууруһу «ВОИН» Киин Арассыыйа бойобуой снайпинг Федерациятын кытта бииргэ бэлэмнээтэ.