Саха сирин охчут кыргыттара Арассыыйаҕа бастаатылар

Саха сирин охчут кыргыттара Кристина Дрозд, Мария Тараярова уонна Айыына Васильева Калининградка ыытыллыбыт оҕунан ытыыга Арассыыйаҕа бастыыр иһин күрэхтэһиигэ хамаанданан кыайдылар.

Кинилэри бу улахан ситиһиилэринэн Ил Дархан Айсен Николаев эҕэрдэлээтэ. «Охчут кыргыттар Бурятия, Забайкальскай кыраай, Иркутскай уобалас уонна Москва курдук күүстээх спортсменнардаах эрэгийиэннэри кэннилэригэр хааллардылар. Ис сүрэхпиттэн эҕэрдэлиибин! Саха сирэ киэн туттар», — диэн Айсен Сергеевич Телеграмм-ханаалыгар суруйда.

Итини таһынан, Алдантан сылдьар Кристина Дрозд бэйэтин бөлөҕөр биирдиилээн ытыыга РФ чөмпүйүөнүнэн буолла.