Хаартыска: Андрей Сорокин, СИА
Саха сирин хамаандата “Азия оҕолоро” норуоттар икки ардыларынааҕы спортивнай оонньууларга классическай оҕунан ытыыга үһүс миэстэҕэ тигистилэр. Кристина Дрозд, Светлана Колодезникова уонна Айыына Васильева Ураллааҕы федеральнай уокурук хамаандатын кыайдылар.
“Утарсааччыбытын кытта эрэ буолбакка, тыалы кытта күрэстэстибит. Салгыы Бүтүн Арассыыйатааҕы күрэхтэһиигэ баран, өрөспүүбүлүкэм чиэһин көмүскүүр былааннаахпын”, — диэтэ Айыына Васильева.
Кыргыттар ортолоругар Сибиирдээҕи федеральнай уокурук хамаандата бастаата,
Очир Шобосоев, Баира Ринчинов уонна Биликто Доржиев састааптаах Уһук Илин сүүмэрдэммит хамаандата кыһыл көмүһү ылар чиэскэ тигистэ. Иккис миэстэҕэ – Сибиир федеральнай уокуруга. Боруонса мэтээли Беларусь хамаандата ылла. Саха сирин уолаттара төрдүс миэстэҕэ таҕыстылар.
Санаттахха, Кристина Дрозд уонна Владимир Ким булкаас хамаандалар ортолоругар кыайыылаах буоллулар.
Оҕунан ытыы күрэхтэһиитэ “Юность” стадиоҥҥа ыытылынна.
“Азия оҕолоро” норуоттар икки ардыларынааҕы оонньуулар бэс ыйын 26 күнүттэн от ыйын 7 күнүгэр диэри ыытылла тураллар.
Саха сирин Ил Дархана Айсен Николаев бу оонньуулар дойду сиригэр-уотугар норуоттар икки ардыларынааҕы бөдөҥ оонньууларынан буолалларын бэлиэтээбитэ.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Дьокуускай куорат "Арчы" духуобунай киинин үлэһитэ, алгысчыт, ырыаһыт, мэлдьи дьоҥҥо-сэргэҕэ сырдыгынан сыдьаайа сылдьар Петр Кычкин,…
“Саха сирэ” хаһыат үүт соҕотуопкатын боппуруоһун болҕомто киинигэр өрүү тутар. Ааспыт нэдиэлэҕэ “Үүт харчыта төлөннөҕүнэ,…
Олунньу 13 күнүгэр Ил Түмэн уонна Луганскай Норуодунай Өрөспүүбүлүкэ Норуодунай Сүбэтэ парламеннар икки ардыларынааҕы сибээһи…
Ааспыт сылга уонна сыл саҕаланыыта хас да дьиэ кэргэн өлүүлээх чааһынай дьиэлэргэ тахсыбыт баһаардар өрөспүүбүлүкэни…
Бэҕэһээҥҥи долгутуулаах Таптал күнүн кэнниттэн, бүгүн уоскулаҥ уонна сынньалаҥ күнэ үүннэ. Ый Чубуку бэлиэтиттэн Күрүлгэн көһөр…
Синоптиктар билгэлииллэринэн, бүгүн, олунньу 15 күнүгэр, Саха сиригэр кыралаан хаар түһэрэ күүтүллэр, өрөспүүбүлүкэ арҕаа өттүгэр…