Федеральнай «Авиалесохрана» 179 үлэһитэ Саха сиригэр баһаары умуруорууга үлэлиир

Федеральнай «Авиалесохрана» парашютнай-десантнай баһаарынай сулууспа 179 үлэһитэ, судаарыстыбаннай сорудах чэрчитинэн, Саха сирин ойуурдарын баһаардарын умулларыыга үлэлэһэр. Бу туһунан өрөспүүбүлүкэ бырабыыталыстыбатын бэрэссэдээтэлин бастакы солбуйааччы Дмитрий Садовников иһитиннэрдэ. 

Десантник-парашютистар Амурскай, Бурятскай, Красноярскай, Читинскэй авиасалаалартан кэлбиттэр. Киниллэр Өлүөхүмэ, Уус Майа оройуоннарыгар баар баһаардары умуруорууга үлэлэһэллэр.

Маны сэргэ «Авиалесохрана» өрөспүүбүлүкэҕэ үс Ми-8 бөртөлүөтү ыыппыт. Икки бөртөлүөт Уус Майаҕа уонна биир Өлүөхүмэҕэ үлэлиир. Саха сиригэр өссө төрдүс бөртөлүөт кэлиэхтээх. Бу бөртөлүөт Алдан оройуонугар базаланыаҕа.