Саха сирин олохтооҕо Амур уобалаһыгар суут иннигэр эппиэттиэҕэ

Амур уобалаһыгар 41 саастаах Саха сирин олохтооҕо суут иннигэр эппиэттиэҕэ. Кини буруйунан ойоҕо уонна оҕото массыына саахалыгар өлбүттэр. Бу туһунан Силиэстийэлиир кэмитиэт эрэгийиэннээҕи саайта суруйар.

2022 сыллаахха атырдьах ыйыгар бу ыал Владивостоктан «Тойота-Премио» массыыналарынан Саха сиригэр төннөн испиттэр. Свободненскай оройуоҥҥа суоппар утары балаһаҕа тахсан, БЦМ-59 самосвалы кытта харсыһыыны таһаарбыт.

Суол быһылаанын түмүгэр «Тойотаҕа» олорсон испит суоппар 41 саастаах ойоҕо тута тыына быстыбыт. Суоппар 8 уонна 14 саастаах оҕолорун кытта балыыһаҕа киирбит, онно кыра оҕо өлбүт.

Холуобунай дьыала сотору кэминэн суукка барыаҕа, буруйданааччы сэттэ сылга көҥүлэ быһыллыан сөп.