Саха сирин олохтооҕо ийэ дойдуну таҥнарыыга уонна терагы бэлэмнээһиҥҥэ буруйданна

Саха сиригэр ийэ дойдуну таҥнарбыт уонна террористическай хабааннаах буруйу оҥорбут олохтоох киһини сууттаатылар, диэн өрөспүүбүлүкэтээҕи ФСБ управлениетын пресс-сулууспата иһитиннэрэр.

Тутуллубут эр киһи Дьааҥы улууһуттан төрүттээх, кини Арассыыйааҕа террористическайынан билиниллибит Украина байыаннай холбоһугар бэйэтин баҕатынан киирбит.

«Чопчуламмытынан, 1991 сыллааҕы төрүөх эр киһи РФ Сэбилэниилээх Күүстэрин утары сэриилэһэргэ кыттар сыаллаах, террористическай тэрилтэҕэ киирэргэ сайаапка ыыппыт. Кини суут бириистэптэригэр дьыалалардааҕынан Арассыыйа тас өттүгэр тахсар кыаҕа суох буолан, Украина координаторыгар бэйэтэ этии киллэрэн, террористическай саба түһүүгэ улахан суолталаах инфраструктура эбийиэктэрин туһаныахха сөбүн эппит», – диэн этиллэр иһитиннэриигэ.

Украина өттүттэн сорудаҕы толорон, кини Дьокуускайга баар икки дьиэ харыстабылын систиэмэтин туһунан сибидиэнньэлэри хомуйан биэрбит. Салгыы киниэхэ бэйэ оҥоһуулаах уоттуур тэрили оҥороругар соруйбуттар. Ол эрээри, ФСБ Управлениетын үлэһиттэрэ тутан ылбыттарынан, бу сорудаҕы кини толорорун ситиспэтэх.

Ийэ дойдуну таҥнарбытын уонна террористическай хабааннаах буруйу оҥорбутун иһин эр киһи 18 сылга көҥүлэ быһылынна.